Մարդու օրգանիզմը մոտ 80 տոկոսով կազմված է ջրից: Օրգանիզմում ջրի պակասը կարող է լուրջ խնդիրներ առաջացնել: Ջուրն անընդհատ դուրս է գալիս մարդու օրգանիզմից երիկամների, քրտնագեղձերի, շնչառության և աղիների միջոցով, այդ իսկ պատճառով անհրաժեշտ է անընդհատ լրացնել դրա պաշարները: Ջուրը բոլոր հիմնական օրգանների լիարժեք գործունեությունն ապահովող հիմնական տարրն է: Հարկավոր է ամեն օր հետևել օգտագործվող հեղուհի քանակին` ջրազրկումից խուսափելու համար: Մաքուր և թարմ ջուրը կօգնի ապահովագրել օրգանիզմը հոդերում ցավային զգացումներից, գլխացավերից, պաշտպանել տարատեսակ հիվանդությունների զարգացումից:

Ջուրը հոյակապ մաքրում է թունանյութերից և ազատում է փորկապությունից: Ընդ որում, ջուրն օգնում է պայքարել շատակերության դեմ և ճնշում է ախորժակը`չվնասելով առողջությանը: Օրինակ, ուտելուց կես ժամ առաջ մեկ բաժակ մաքուր ջուր ըմպելու սովորությունն օգտակար է մարսողության համար:

Ջուրը բարելավում է նյութափոխանակությունը` նպաստելով ավելորղ ճարպի այրմանը: Ընդ որում, ջրի անվաբարարությունը կարող է հանգեցնել օրգանիզմում հեղուկի կուտակման (որպես պաշար, ինչը կարող է այտուցներ առաջացնել):

Ջուրն ավելորդ քաշի դեմ պայքարի ամենալավ գործիքներից է, նախևառաջ, որովհետև մենք հաճախ ջրի փոխարեն ըմպում ենք բարձր կալորիականություն ունեցող ըմպելիքներ, ինչպիսիք են կոկա կոլան, հյութը, ալկոհոլը:

Բացի այդ, ջուրը լավ ճնշում, է ախորժակը, չէ որ մենք հաճախ կարծում ենք, որ քաղցած ենք, բայց իրականում ծարավ ենք: Ջուրը ճարպեր, կալորիաներ, ածխաջրեր, շաքար չի պարունակում: Օրգանիզմին նիհարել օգնելու համար հարկավոր է շատ ջուր խմել:

Ջրազրկումը կարող է լուրջ խոչընդոտ դառնալ սպորտով զբաղվելու դեպքում, քանի որ ընդհանուր հոգնածության պատճառով կարող եք չդիմանալ ֆիզիկական վարժություններին, ինչը կարող է վնասվածքների պատճառ դառնալ։ Խմելով մարզումից առաջ երկու բաժակ մաքուր, թույլ հիմնային ջուր` դուք ձեզ կապահովեք էներգիայով և կպահպանեք առողջությունը։

Բավականաչափ քանակությամբ ջրի օգտագործումը նվազեցնում է սրտի կաթվածի հավանականությունը: 2002 թ.-ին American Journal of Epidemiology ամսագրում հրապարակված վեցամյա հետազոտությունը ցույց է տվել, որ նրանց մոտ, ովքեր օրը հինգ բաժակից ավելի ջուր են խմում, սրտի կաթվածից մահանալու հավանականությունը 41 տոկոսով քիչ է, քան երկու բաժակից քիչ խմող մարդկանց մոտ:

Ջրի օգտագործումը օգնում է մաքրել մաշկը, և ջուր խմող մարդիկ ուղղակի փայլում են առողջությամբ: Իհարկե, դա մի գիշերվա ընթացքում տեղի չի ունենում, սակայն մեկ շաբաթ ճիշտ քանակի ջուր օգտագործելը դրական ազդեցություն կգործի մաշկի վրա։

Ապացուցված է, որ անհրաժեշտ քանակի ջրի օգտագործումը նվազեցնում է հաստ աղու քաղցկեղի առաջացումը 45 տոկոսով, իսկ միզապարկի քաղցկեցի հավանականությունը` 50 տոկոսով: Բացի այդ, կա կարծիք, որ ջուր խմելու սովորույթը նվազեցնում է կրծքագեղձի քաղցկեղի առաջացումը:

Հաճախ է հարց ծագում, թե որքան շատ է պետք ջուր խմել ամեն օր: Ահա պատասխանը. ճիշտ չէ ջուր խմել միայն այն ժամանակ, երբ ծարավի զգացում ունես` այդ պահի դրությամբ դուք արդեն ջրազրկված եք: Հարկավոր է ռեժիմ մշակել. խմել ջուր հենց արթնացաք, մեկ բաժակ սնվելուց մոտ կես ժամ – մեկ ժամ առաջ, մեկ բաժակ սնունդ ընդունելուց մեկ–երկու ժամ անց։ Պարտադիր է ջուր խմել մարզվելուց առաջ և հետո` նույնպես կես ժամ–մեկ ժամ միջակայքով։ Մարզվելու ընթացքում ևս պետք է ջրի բալանսը պահել` վարժությունների մոտեցումների արանքում մեկ–երկու կում անելով։ Դա անհրաժեշտ է նրա համար, որ վերականգնվի մարզման ժամանակ քրտնարտադրության հետ օրգանիզմից դուրս բերվող ջրի պակասը լրացնելու համար։

Աշխատեք այնքան ջուր խմել, որ ծարավի զգացում չունենաք: