Ցավոք, վարորդներից ոչ ոք երաշխավորված չէ ՃՏՊ–ից, և պատահական չէ, որ ֆինանսական հաշտարարի գրասենյակում ստացվող ապահովագրական ոլորտի բողոքների ամենամեծ տեսակարար կշիռը (մոտ 70 տոկոս) բաժին է հասնում ԱՊՊԱ պայմանագրերին։ Բողոքները հիմնականում վերաբերում են վնասի դիմաց նախատեսված փոխհատուցման չափի հետ անհամաձայնությանը, փոխհատուցումների չվճարման դեպքերին, ապահովագրական ընկերության կողմից հետընթացի հետ կապված անհամաձայնությանը։
ԱՊՊԱ-ի հիմնական կանոններից մեկն այն է, որ ոչ մի դեպքում չի կարելի ինքնուրույն նորոգել ավտոմեքենան, եթե միջադեպ է տեղի ունեցել: Նախևառաջ, հարկավոր է լուծել ապահովագրողի հետ խնդիրները: Փոխհատուցումների պայմանների հետ անհամաձայնության կամ այլ խնդիրների առաջացման դեպքում պետք է դիմել Ֆինանսական հաշտարարի գրասենյակ, որտեղ կարելի է ստեղծված իրավիճակից դուրս գալու հետ կապված խորհրդակցություն ստանալ:
Ի գիտություն վարորդների` 2017 թ.-ի ապրիլի 1-ից ուժի մեջ են մտնում ԱՊՊԱ-ում կատարված փոփոխությունները, ուստի խորհուրդ է տրվում դրանք մանրամասն ուսումնասիրել:
Մի բան էլ: Պարտադիր կերպով և շատ ուշադիր հարկավոր է մինչև ստորագրելը ընթերցել պայմանագրերը, քանի որ շատ կարևոր տեղեկատվությունը կարող է լինել ոչ առաջին էջին կամ ավելի մանր շրիֆտով:
Խաբեբաների զոհը չդառնալու և բավական խոշոր գումար չկորցնելու համար հարկավոր է խուսափել ինտերնետ կայքերով անծանոթ մարդկանց հետ առցանց գործարքներ իրականացնելուց: Ինտերնետ գործարքների ժամանակ դուք տրամադրում եք ձեր քարտի տվյալները, որոնք հետագայում կարող են օգտագործվել խաբեբաների կողմից և հանգեցնել լուրջ ֆինանսական խնդիրների:
Ամեն դեպքում, ցանկացած առևտրային գործարք իրականացնելիս հարկավոր է խելամիտ գործել, չշտապել որոշումներ կայացնելիս, եթե կասկածում եք` ավելի լավ է խարհրդակցել մասնագետների հետ: Ձեր կրած վնասը կարող է փոխհատուցվել, սակայն ոչ ոք չի վերադարձնի կորցրած ժամանակը և նյարդերը:
Կայքում հրապարակված նյութերի ամբողջական կամ մասնակի օգտագործումը հնարավոր է միայն ԱՄԻ «Նովոստի–Արմենիա» գործակալության իրավատիրոջ գրավոր համաձայնության առկայության և կայքին հիպերհղում անելու դեպքում։ Հղումը պետք է լինի ուղիղ, ակտիվ, ոչ սկրիպտային, ինդեքսավորման համար բաց։ Կայքում հրապարակված նյութերի հեղինակների կարծիքը կարող է չհամընկնել խմբագրության դիրքորոշման հետ։