Ծաղկաձորում կանցկացվի Դպրոցականների շախմատի աշխարհի առաջին առաջնությունը

ԵՐԵՎԱՆ, 8 օգոստոսի. /Նովոստի-Արմենիա/. Դպրոցականների շախմատի աշխարհի առաջնությունը կանցկացվի սեպտեմբերի 18-25-ը Ծաղկաձորում: Այդ մասին հայտնում է ՀՀ կրթության, գիտության, մշակույթի և սպորտի նախարարությունը:

Ըստ տարածած հաղորդագրության, Հայաստանի 2019 թ.-ի պետբյուջեի վերաբաշխման հաշվին նախարար Արայիկ Հարությունյանի առաջարկով հինգշաբթի կառավարության նիստում որշում է ընդունվել հատկացնել ավելի քան 14,8 մլն դրամ շախմատի առաջնության անցկացման վրա:

Մրցումների բացման արարողությունը տեղի կունենա 2019թ. սեպտեմբերի 19-ին, իսկ փակման արարողությունը՝ սեպտեմբերի 24-ին: Հայաստանի Հանրապետությունից և Արցախի Հանրապետությունից մրցումներին կմասնակցեն տղաների և աղջիկների դպրոցական թիմեր: Ակնկալվում է 15 երկրի մասնակցություն:

2018թ. նոյեմբերի 15-19-ը ՌԴ Սոչի քաղաքում կայացած Դպրոցականների միջազգային մարզական ֆեդերացիայի (ISF-ի) գործադիր կոմիտեի հերթական ժողովում Դպրոցականների շախմատի աշխարհի առաջին առաջնության կազմակերպումը վստահվել է Հայասատանին:-0-