Տիմատին կայցելի Երևան` Black Star Burger–ի բացմանը (ՎԻԴԵՈ)

ԵՐԵՎԱՆ, 21 փետրվարի./Նովոստի–Արմենիա/. Գարնանը Երևանում կբացվի Black Star Burger Yerevan–ը, որը կներառվի ռուս հայտնի ռեփեր Տիմատիի ռեստորանների ցանցում, իր կայքում գրում է հայտնի բլոգեր Կամո Թովմասյանը։

Բլոգերը նշել է, որ նախօրեին Երևանում կայացել է ֆան–քվեստ, որին մասնակցել է 9 երիտասարդ։ Քվեստում հաղթել է Մանե անունով մասնակիցը։

«Բոլոր մասնակիցներն այնքան լավն էին, որ Black Star Burger Yerevan-ի տնօրինությունը բոլոր 9-ին որոշեց հրավիրել թե Pre Party-ին, թե դեգուստացիոն Party-ին, թե պաշտոնական բացման շնորհանդեսին, որտեղ բոլոր 9-ը կհանդիպեն Տիմատիին», – նշվում է կայքում։

Black Star Burger Yerevan-ի պաշտոնական բացումը, որը տեղակայված կլինի Հանրապետության հրապարակի մոտակայքում, տեղի կունենա մայիսին։ Տիմատին պլանավորում է գալ Երևան ու անձամբ պատրաստել առաջին բուրգերները բացման շնորհանդեսին:

Ավելի վաղ հայտնի էր դարձել, որ Տիմատին գնել է Երևանի հայտնի ռեստորաններից մեկը` «Մարկո Պոլոն», գործարքի արժեքը կազմել է 5 մլն դոլար։–0–