572.46
6.72
486.37
+21
Եղանակը Երևանում
Հայ

2020 թվականը դառնալու է թերահավատներին հուսավառելու և հավատավորների թռիչքի տարի. ՀՀ վարչապետի ամանորյա ուղերձը (ՎԻԴԵՈ)

00:47
01 Հունվարի 2020

ԵՐԵՎԱՆ, 1 հունվարի./Նովոստի–Արմենիա/. ՀՀ վարչապետ Նիկոլ Փաշինյանը քիչ առաջ Ամանորի շնորհավորական ուղերձը հղել է Հանրապետության Հրապարակից։

Ստորև ներկայացնում ենք նրա շնորհավորական ուղերձը.

«Հայաստանի Հանրապետության հպարտ քաղաքացիներ, Արցախի ն հպարտ քաղաքացիներ, Սփյուռքի հպարտ հայություն: Ձեզ դիմում եմ ուղիղ եթերում, Հայաստանի Հանրապետության և համայն հայության մայրաքաղաք Երևանի սրտից՝ Հանրապետության Հրապարակից, որտեղ 2018 թվականի գարնանն իրար հետ իրականացրեցինք ո բռնի, թավշյա, ժողովրդական հեղափոխությունը:

Անցնող 2019 թվականը ետհեղափոխական առաջին ամբողջական տարին էր և 2018 թվականի դեկտեմբերի 31-ի իմ ամանորյա ուղերձում խոստացել էի, որ 2019 թվականի ընթացքում մենք նվաճելու ենք նոր բարձունքներ, արձանագրելու ենք նոր հաջողություններ և առաջին հերթին մեր երկրի սոցիալ–տնտեսական կյանքում:

Ուրախ եմ փաստել, որ տեսանելի, շոշափելի ու չափելի բազմաթիվ արդյունքներ ենք արձանագրել անցնող տարվա ընթացքում:

2019 թվականի արդյունքներով Հայաստանն ամենամեծ տնտեսական աճն է ունենալու ոչ միայն մեր տարածաշրջանում, ոչ միայն Եվրասիականտնտեսական միության տարածքում, ոչ միայն ԱՊՀ-ում և ետխորհրդային ողջ տարածքում, այլև ենթադրաբար՝ եվրոպական տարածաշրջանում: Հայաստանը վստահաբար 2019 թվականի տնտեսական աճի ցուցանիշներով աշխարհի առաջատար երկրների թվին է դասվելու: 

Հայաստանի Հանրապետության քաղաքացիները կարող են տեսնել և զգալ մեր տնտեսության մեջ տեղի ունեցած փոփոխությունները.

2019 թվականի ընթացքում Հայաստանում նորոգվել են այնքան ճանապարհներ, որքան 2015, 16, 17 թվականներին միասին վերցրած:

Բարձրացել են զինվորականների, փրկարարների, ուսուցիչների, անտառապահների, բազմաթիվ բուժաշխատողների աշխատավարձեր, 2020 թվականի հունվարի մեկից բարձրանում են բոլոր տեսակի կենսաթոշակները և նպաստները, ավելանում է նվազագույն աշխատավարձը: 

Իրականացվում են զուտ սոցիալական ծրագրեր. բյուջեի միջոցների հաշվին մանկատան 300 սաներ, ում պետությունը դեռ 2003 թվականից բնակարան հատկացնելու պարտավորություն ունի, ի վերջո ստանում են բնակարաններ:

Լուծվում է զինթոշակառուների բնակարանային խնդիրը, ինչի համար հատկացվել է ավելի քան 8 միլիարդ դրամ:

1 միլիարդ 500 միլիոն դրամ է հատկացվել 121 փախստական ընտանիքների բնակարանով ապահովելու համար. նման ծրագիր Հայաստանում նախկինում երբեք չի իրականացվել:

Եվ ուրախ եմ արձանագրել, որ հիմա Հայաստանը գտնվում է աղքատության ամենացածր մակարդակի վրա` նման հաշվառում իրականացնելու մեկնարկի օրվանից ի վեր:

Մեր երկրի միջազգային պահուստները հասել են աննախադեպ ծավալների` գերազանցելով 2.8 միլիարդ դոլարը, 2019 թվականի պետական բյուջեի հարկային եկամուտները գերակատարվել են ավելի քան 100 միլիարդ դրամով:

Հայաստանի կառավարությունը բազմաթիվ ծրագրեր է իրականացնում, որոնց միջոցով հազարավոր ընտանիքների աջակցում է աշխատանքով հաղթահարել աղքատությունը և կառուցել բարեկեցություն:

Կարևոր է ընդգծել նաև, որ 2018 թվականի մայիսից ի վեր Հայաստանում ի հայտ է եկել շուրջ 84 հազար նոր աշխատատեղ, անշեղորեն նվազում է գործազուրկների թիվը: Դեռ ավելին, այսօր Հայաստանում հազարավոր թափուր աշխատատեղեր կան:

Սիրելի հայրենակիցներ.

Մեր ձեռքբերումների ցանկը դեռ երկար կարելի է շարունակել: Այս թվարկումը, սակայն, անում եմ ոչ միայն 2019 թվականը ամփոփելու, այլև 2020 թվականի մեր նշաձողերը սահմանելու համար:

Նոր տարին դիմավորում ենք բարձր տրամադրությամբ, ամրապնդված ինքնավստահությամբ, սեփական ուժերի և ապագայի նկատմամբ նորոգված հավատով:

2020 թվականը դառնալու է թերահավատներին հուսավառելու և հավատավորների թռիչքի տարի, Հայաստանի Հանրապետության  տնտեսական, քաղաքական, սոցիալական ու հոգեբանական թռիչքի տարի։ Սա է այս հեղափոխական` սիրո և համերաշխության, բազմամարդ ու խինդառատ Հանրապետության Հրապարակի այս պահի խորհուրդը։

Մենք ծավալուն փոփոխություններ ենք իրականացրել հարկային օրենսգրքում, որ 2020 թվականը դառնա մեր քաղաքացիների տնտեսական ակտիվության բացառիկ տարի: Հեղափոխությունից հետո հարյուր միլիոնավոր հավելյալ դոլարներ են մտնում Հայաստանի Հանրապետություն, և յուրաքանչյուր քաղաքացի պետք է մտածի, թե ստեղծարար ձեռնարկատիրության ի՞նչ նախագծով կարող է իր մասնաբաժինը ստանալ այս ազգային հարստությունից և ազգային հարստության ի՞նչ մասնաբաժին ինքը կարող է ստեղծել:

Սիրելի հայրենակիցներ,

Հայաստանում հաստատված են անհնարինը իրականություն դարձնելու ժամանակներ: 2018 թվականին շատ քչերն էին հավատում, որ հնարավոր է երկրում իրականացնել ոչ բռնի, թավշյա, ժողովրդական հեղափոխություն, 2019-ին շատ քչերն էին հավատում, որ արձանագրելու ենք համաշխարհային ուշադրության արժանի տնտեսական ցուցանիշներ:

2019 թվականին մենք ըստ էության փակել ենք այսպես կոչված «80-ականների զենքերի» ամոթալի էջը: Ընդամենը օրեր առաջ Հայաստանը ձեռք բերեց ՍՈւ 30 ՍՄ գերժամանակակից բազմաֆունկցիոնալ ռազմական օդանավեր և վերջապես ունեցանք կործանիչ ավիացիա, ձեռք բերեցինք ՏՈՐ-Մ2ԿՄ հակաօդային և հակահրթիռային պաշտպանության գերժամանակակից համակարգեր:

2019 թվականին վերջին տարիների համար աննախադեպ քանակի զենք և զինամթերք ենք ձեռք երել, որոնք կամ հենց 2019 թվականի արտադրության են կամ բոլորովին չօգտագործված: Սա աննախադեպ իրավիճակ է մեր բանակի պատմության մեջ:

Հարկ եմ համարում կրկին ընդգծել, որ գերժամանակակից այս զենքերը մեզ անհրաժեշտ են խաղաղության և ոչ պատերազմի համար: Իսկ մեր խաղաղությունն ապահովում են այսօր, հիմա, հենց այս պահին առաջնագծում, սահմանին կանգնած և իրենց զորամասերում մեզ հետևող զինվորները, սպաները, գեներալները:

Ամանորի այս հանդիսավոր հարթակից հատուկ ողջույններ եմ հղում նրանց ևւ շնորհակալություն եմ հայտնում մեր խաղաղության դիրքերում ամուր կանգնած լինելու համար: 

Ասեմ նաև, որ բանակում սկսվել և մեծ թափով առաջ է շարժվում զինվորներին բարձրորակ սննդով ապահովելու նոր համակարգի ներդրումը, որը լայն դրական արձագանք է գտել զինվորների, նրանց ծնողների և հանրության շրջանում: 2020 թվականի արդյունքներով մտադիր ենք սննդի ապահովման այնպիսի համակարգով ապահովել հայոց բանակի բոլոր զորամասերն, ինչի արդյունքում մեր զինվորների ամենօրյա սեղանները կլինեն իրենց մատուցած ծառայությանը արժանի.....

Հատուկ ողջույններ եմ հղում Հայաստանի Հանրապետության ոստիկանության, Ազգային անվտանգության ծառայության, Արտակարգ իրավիճակների նախարարության, Արդարադատության նախարարության այն ծառայողներին, ովքեր ամանորյա այս րոպեներն անցկացնում են ծառայության մեջ, ապահովելով երկրի ու ժողովրդի անվտանգությունը և շնորհակալություն եմ հայտնում նրանց իրենց ծառայության համար: 

Ջերմորեն ողջունում եմ առողջապահության, էներգետիկայի, տրանսպորտի, հանրային սննդի ոլորտի այն աշխատողներին և ընդհանրապես բոլոր այն մարդկանց, ովքեր Ամանորը դիմավորում են ոչ թե ընտանիքի անդամների հետ, այլ աշխատանքի մեջ: 

Եվ ի վերջո, ողջունում եմ Հայաստանի Հանրապետության բոլոր քաղաքացիներին, մեր հայրենակիցներին, Հայաստանում` Արցախում, սփյուռքում... ու հատկապես այն մարդկանց, ովքեր այս պահին այստեղ են՝ համայն հայության և Հայաստանի Հանրապետության մայրաքաղաք Երևանի սրտում՝ Հանրապետության Հրապարակում:

Սիրում եմ բոլորիդ, հպարտանում եմ բոլորովդ և խոնարհվում եմ բոլորիդ առաջ:

Եվ ծառայում եմ բոլորիդ. ձեր բոլոր ցավերը իմ սրտում են, ձեր բոլոր կարիքները իմ մտքում են, ձեր բոլոր երազանքները իմ հոգում են:

Ժպտացեք իրար սիրելի հայրենակիցներ, որովհետև Նոր տարին ահա, եկավ:

Եվ ուրեմն՝

Կեցցե Ազատությունը,

Կեցցե Հայաստանի Հանրապետությունը,

Կեցցենք մենք և մեր երեխաները, որ ապրում ենք և ապրելու ենք ազատ և երջանիկ Հայաստանում:

Շնորհավոր Ամանոր և Սուրբ Ծնունդ»:–0–

Partners News
Partners News
Ամենակարդացվող
ԱՌԿԱ գործակալություն
Բաժնի այլ նյութեր
15:44
01 Սեպտեմբերի 2021
«Նովոստի–Արմենիա»-ն ներկայացնում է նոր Travel show Հայաստանի մասին (ՎԻԴԵՈ)
«Նովոստի–Արմենիա»–ի YouTube–յան ալիքում կայացել է նոր Travel show–ի պրեմիերան, որը կոչվում է «Չեմ ուզում տուն գալ», այս անգամ ձեզ հետ բացահայտում ենք չքնաղ Լոռին.ՎԻԴԵՈ
13:30
31 Օգոստոսի 2021
Ժպիտն ու արցունքները միահյուսվում են. Երևանում առաջին դասարանցիներն առաջին անգամ մուտք գործեցին գիտելիքի աշխարհ (ՖՈՏՈ)
Ժպիտն ու արցունքները միահյուսվում են. Երևանում առաջին դասարանցիներն առաջին անգամ մուտք գործեցին գիտելիքի աշխարհ.ՖՈՏՈ
12:32
24 Օգոստոսի 2021
Պուտինի հրամանով հայտնի սրտաբան–վիրաբույժ Բագրատ Ալեքյանը պարգևատրվել է Ալեքսանդր Նևսկու շքանշանով
Պուտինը հայտնի սրտաբան–վիրաբույժ Բագրատ Ալեքյանին պարգևատրել է Ալեքսանդր Նևսկու շքանշանով
11:54
16 Օգոստոսի 2021
Հայաստանի դպրոցականների թիմն արժանացել է բրոնզե մեդալի Աշխարհագրության միջազգային օլիմպիադայում
Հայաստանի դպրոցականների թիմն արժանացել է  Աշխարհագրության միջազգային օլիմպիադայի բրոնզե մեդալի, օլիմպիադային մասնակցել է 179 աշակերտ 46 երկրից
19:37
11 Օգոստոսի 2021
Հայաստանը` զբոսաշրջիկների աչքերով (ՖՈՏՈ)
Ընտրել ենք Instagram–ում զբոսաշրջիկների կողմից հրապարակված 5 լուսանկար, որոնք ներկայացնում են հայոց հողի բնության և ճարտարապետության գեղեցկությունը.ՖՈՏՈ
19:37
09 Օգոստոսի 2021
Հայաստանի թոփ 10 ամենահետաքրքիր կադրերը Instagram-ից (ՖՈՏՈ)
Ընտրել ենք Հայաստանի բնական գեղեցկությունը ներկայացնող 10 լուսանկար, որոնց շնորհիվ կարելի է առանց տնից դուս գալու այցելել մեր լեռնային երկրի տարբեր վայրեր.ՖՈՏՈ
12:18
05 Օգոստոսի 2021
Առաջիկայում Երևանում կլինի մոտ 16-17 նոր ավտոբուսային երթուղի, պարկը կհամալրվի 211 նոր ավտոբուսներով
Առաջիկայում Երևանում կլինի մոտ 16-17 նոր ավտոբուսային երթուղի, վճարելու ենք քարտերով
12:37
04 Օգոստոսի 2021
Երևանում բարեհաջող վիրահատվել է բնածին ծանր արատ ունեցող նորածին.մայրը հղիության ընթացքում երկու անգամ հիվանդացել է Covid-19-ով
Երևանում բարեհաջող վիրահատվել է բնածին ծանր արատ ունեցող նորածին.մայրը հղիության ընթացքում երկու անգամ հիվանդացել է Covid-19-ով
11:19
03 Օգոստոսի 2021
Հրաշք ծնունդ. Երևանում եռյակ է լույս աշխարհ եկել` 3 տղա (ՖՈՏՈ, ՎԻԴԵՈ)
Հրաշք ծնունդ. Երևանում եռյակ է լույս աշխարհ եկել` 3 տղա.ՖՈՏՈ, ՎԻԴԵՈ
14:34
29 Հուլիսի 2021
Ապարանում նոր լեռնադահուկային համալիր կկառուցվի` ճոպանուղով, արհեստական ձնագոյացմամբ
Ապարանում նոր լեռնադահուկային համալիր կկառուցվի` ճոպանուղով, արհեստական ձնագոյացմամբ. ներդրումները կկազմեն մոտ 30մլրդ դրամ
13:04
26 Հուլիսի 2021
Երևանը` սրտումս. մեր մայրաքաղաքի անկրկնելի ճարտարապետությունը (ՖՈՏՈ)
Մեր Երևանը 29 տարով մեծ է Հռոմից։ Այն մարմնավորում է տարբեր դարաշրջանների վկայություններ։ Դա արտացոլվում է մայրաքաղաքի ճարտարապետական հուշարձաններում.ՖՈՏՈ
12:03
26 Հուլիսի 2021
Ամուսնության առաջարկություն Սևանա լճի հատակին. հայ երիտասարդն ընտանիք կազմելու ինքնատիպ առաջարկություն է արել սիրելիին (ՎԻԴԵՈ)
Ամուսնության առաջարկություն Սևանա լճի հատակին. հայ երիտասարդն ընտանիք կազմելու ինքնատիպ առաջարկություն է արել սիրելիին.ՎԻԴԵՈ