+17
Եղանակը Երևանում
Հայ

2021 թ.-ին աշխարհը նվաճած հայ երիտասարդների հաջողությունները (ՎԻԴԵՈ)

19:37
29 Դեկտեմբերի 2021

ԵՐԵՎԱՆ, 29 դեկտեմբերի./Նովոստի–Արմենիա/. Անցնող 2021 թ.-ը բավականին հարուստ էր մշակույթի և սպորտի ոլորտներում հայ երիտասարդների ձեռքբերումներով և հաղթանակներով։

Որոշեցինք մեր ընթերցողներին պատմել դրանցից մի քանիսի մասին։

Երգչուհի Մալենա

Դեկտեմբերի 19-ին Փարիզում կայացած «Մանկական Եվրատեսիլ-2021» երգի միջազգային մրցույթում Հայաստանի ներկայացուցիչ Մալենան զբաղեցրեց առաջին տեղը։ 14-ամյա Մալենան հավաքեց առավելագույն 224 միավոր՝ պրոֆեսիոնալ ժյուրիի գնահատականի և հեռուստադիտողների առցանց քվեարկության արդյունքում։ Մալենան հանդես եկավ 9-րդ համարի ներքո՝ ներկայացնելով «Քամի, քամի» ստեղծագործությունը։

Մալենայի դինամիկ ելույթում մասնակցում էր պարային անսամբլ, այն ուղեկցվում էր գունեղ շոուով: Հանդիսատեսը ողջունեց Մալենային բուռն ծափահարություններով: Այս հաղթանակի շնորհիվ «Մանկական Եվրատեսիլ 2022»-ը կանցկացվի Երևանում։

Գեղասահորդուհի Ադելիա Պետրոսյան

Հայկական արմատներով ռուս գեղասահորդուհի, 14-ամյա Ադելիա Պետրոսյանը դարձավ գեղասահքի պատմության մեջ առաջինը, ով կատարեց երկու քառակի ռիթբերգեր։ Ադելիան այդ անհավանական հնարքը կատարեց Սանկտ Պետերբուրգում կայացած Ռուսաստանի առաջնությունում ազատ ծրագրի ժամանակ։ Ադելիան զբաղեցրեց չորրորդ տեղը: Էթերի Տուտբերիձեի սանը ելույթի համար վաստակեց 160.68 միավոր, որից 93.20-ը՝ տեխնիկայի համար։

Երգիչ Xcho

20-ամյա Խաչո Դունամալյանի ստեղծագործությունները նվաճել են ռուսական չարթերը: 2021 թ.-ի վերջին նրա երկու ՝ «Вороны» և «Эскизы» երգերը Apple Music-ի թոփ 100-ում են։ Գերող արևելյան ռոմանտիկայի և մոդայիկ բիթերի շնորհիվ Xcho–ն հավաքում է միլիոնավոր դիտումներ սթրիմինգներում: YouTube-ում նրա յուրաքանչյուր ստեղծագործություն հավաքում է ավելի քան 2 մլն. դիտում։

Բռնցքամարտիկ Արտյոմ Դալլաքյան

Հայկական արմատներով ուկրաինացի բռնցքամարտիկ Արտյոմ Դալլաքյանը գերթեթև քաշային կարգում պաշտպանել է WBA չեմպիոնական տիտղոսը: Նա 12 ռաունդանոց մենամարտում նոկաուտով հաղթել է պանամացի Լուիս Կոնսեպսիոնին։

Մարտը տեղի է ունեցել Կիևում՝ Դալլաքյանի նկատելի առավելությամբ մենամարտի ողջ ընթացքում։ Արդեն հինգերորդ ռաունդում Դալլաքյանը երկու անգամ նոկդաունի է ենթարկել մրցակցին, իսկ 9-րդ ռաունդում՝ հերթական նոկդաունից հետո, պանամացու անկյունայինը սրբիչ է նետել, և մրցավարը Դալլաքյանին տեխնիկական նոկաուտով հաղթանակ է շնորհել։ Արտյոմն այս մենամարտով 5–րդ անգամ պաշտպանել է տիտղոսը։

Դաշնակահարուհի Եվա Գևորգյան

Ռուսաստանաբնակ 17-ամյա դաշնակահարուհի Եվա Գևորգյանը դարձել է «Young Yamaha Artist»-ի միակ տիտղոսակիրն աշխարհում։ Նա տարբեր միջազգային մրցույթների մասնակից է և բազմաթիվ մրցանակների դափնեկիր, վիրտուոզ դաշնակահար Եվգենի Կիսինի կողմից ընտրվել է Klavier-Festival Ruhr փառատոնի կրթաթոշակակիր։

2021 թ.-ին Եվան դարձել է Ռուսաստանի ազգային նվագախմբի առաջին համառուսական ընտրության Գրան պրիի դափնեկիր, ինչպես նաև հաղթել է Öschberghof Festival–ի դասական երաժշտության դաշնամուրային փառատոնում (Գերմանիա, 2021)։  

Ըմբիշ Մալխաս Ամոյան

Հունահռոմեական ոճի ըմբշամարտի Հայաստանի ազգային հավաքականի անդամ Մալխաս Ամոյանն այս տարվա մայիսին նվաճել է երիտասարդների (Մ-23) Եվրոպայի չեմպիոնի կոչումը, իսկ հոկտեմբերին դարձել է մինչև 72 կգ քաշայինների աշխարհի չեմպիոն։

Դեկտեմբերի սկզբին հայտնի դարձավ, որ Ամոյանն իր քաշային կարգում գլխավորել է ըմբշամարտի միջազգային ֆեդերացիայի վարկանիշը (UWW):

Դաշնակահար Տիգրան Համասյան

Ժամանակակից ջազի աստղ Տիգրան Համասյանն արժանացել է «Deutscher Jazzpreis 2021» մրցանակին և ճանաչվել Տարվա միջազգային արտիստ։ Նա միանգամից երկու մրցանակ է ստացել «Deutscher Jazzpreis»-ից իր վերջին «The Call Within» ալբոմի համար։

Համասյանը ծնունդով Հայաստանի մշակութային մայրաքաղաք Գյումրիից է, նա դաշնակահարների և կոմպոզիտորների բազմաթիվ մրցույթների հաղթող է։ Երաժշտություն է սովորել 3 տարեկանից, դպրոցական տարիներին արդեն ակտիվ ելույթ է ունեցել մեծահասակ երաժիշտների հետ։ Դրան հաջորդել են բազմաթիվ հաղթանակներ մրցույթներում՝ «Thelonious Monk» դաշնակահարների մրցույթը (ԱՄՆ), ջազ դաշնակահարների
մրցույթը Մոնտրոյում (Շվեյցարիա), առաջին մրցանակը «Jazz a Juan Revelations» մրցույթում
(Ֆրանսիա), կրկին առաջին մրցանակը Մոնակոյի ջազ դաշնակահարների մրցույթում։–0–


Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
14:52
12 Մայիսի 2022
Բուժքրոջը էնպես է կպած, ոնց որ մամային, ձեռքից բռնած ման է գալիս. մոր կողմից Դեբեդ գետը նետված 2–ամյա Արևն ապաքինվել է (ՎԻԴԵՈ)
Բուժքրոջը էնպես է կպած, ոնց որ մամային, ձեռքից բռնած ման է գալիս. մոր կողմից Դեբեդ գետը նետված 2–ամյա Արևն ապաքինվել է. ՎԻԴԵՈ
20:30
09 Մայիսի 2022
Որպես անհետ կորած որոնվող Աննա Հակոբյանը հայտնաբերվել է
Որպես անհետ կորած որոնվող Աննա Հակոբյանը հայտնաբերվել է
13:06
27 Ապրիլի 2022
Արևի պես ժպտում է բոլորին. մոր կողմից գետը նետված 2–ամյա Արևի մոտ նկատվում է դրական դինամիկա
Արևի պես ժպտում է բոլորին. մոր կողմից գետը նետված 2–ամյա Արևի մոտ նկատվում է դրական դինամիկա
13:45
21 Ապրիլի 2022
Երևանում հազվադեպ հիվանդությամբ 30–ամյա կինը առողջ տղա է լույս աշխարհ բերել
Երևանում հազվադեպ հիվանդությամբ 30–ամյա կինը առողջ տղա է լույս աշխարհ բերել
15:02
30 Մարտի 2022
Հայ աշակերտները ոսկե մեդալի են արժանացել ՌԴ-ում անցկացվող «Ռոբոարտ 2022» մրցույթ-փառատոնում
Հայաստանը ներկայացրել են Նարեկ Սարգսյանը և Գևորգ Սարգսյանը
23:37
07 Մարտի 2022
Իսկական հրաշք. Հայաստանում 540 գրամ քաշով ծնված փոքրիկն այսօր դուրս է գրվել 3 կգ 700 գրամ քաշով և լիովին առողջ (ՖՈՏՈ)
Իսկական հրաշք. Հայաստանում 540 գրամ քաշով ծնված փոքրիկն այսօր դուրս է գրվել 3 կգ 700 գրամ քաշով և լիովին առողջ. ՖՈՏՈ
21:22
01 Մարտի 2022
44-օրյա պատերազմում միակ որդուն կորցրած 60-ամյա ամուսինները կրկին ծնող են դարձել (ՖՈՏՈ)
44-օրյա պատերազմում միակ որդուն կորցրած 60-ամյա ամուսինները կրկին ծնող են դարձել. ՖՈՏՈ
14:27
24 Փետրվարի 2022
33 տոննայանոց վագոնը քաշել է ճկույթով. Երևանի մետրոյում համաշխարհային ռեկորդ է սահմանվել (ՎԻԴԵՈ)
Երևանի մետրոյում համաշխարհային ռեկորդ է սահմանվել. ՎԻԴԵՈ
20:52
21 Փետրվարի 2022
Վանաձորցի հրշեջ-փրկարարն արժանացել է Միջազգային կարգի սպորտի վարպետի կոչման
Եռամարտիկ, Աշխարհի և Եվրոպայի եռակի չեմպիոն, համաշխարհային քառակի ռեկորդակիր, հրշեջ-փրկարար Զորիկ Պետրոսյանը արժանացել է Միջազգային կարգի սպորտի վարպետի կոչման
14:54
21 Փետրվարի 2022
Մինչև 400 հազ. դրամի վարձատրություն. ՀՀ–ում ուսուցիչների աշխատավարձի դրույքաչափը կբարձրանա
Մինչև 400 հազ. դրամի վարձատրություն. ՀՀ–ում ուսուցիչների աշխատավարձի  դրույքաչափը կբարձրանա
14:32
29 Հունվարի 2022
Նախօրեից որպես անհետ կորած որոնվող 15-ամյա աղջիկը հայտնաբերվել է
Նախօրեից որպես անհետ կորած որոնվող 15-ամյա աղջիկը հայտնաբերվել է
17:05
20 Դեկտեմբերի 2021
Ինչպես են մեր զինվորները նշում Մալենայի հաղթանակը
Հրապարակվել են կադրեր, որտեղ երևում է, թե ինչպես են մեր զինվորները նշում 14-ամյա Մալենայի հաղթանակը «Մանկական Եվրատեսիլ 2021»-ում. ՎԻԴԵՈ