44-օրյա պատերազմում զոհված զինծառայող Ժորա Մարտիրոսյանի մայրը՝ Գայանե Հակոբյանը կալանավորվեց, նրա աջակիցները բողոքի ակցիա են կազմակերպել

ԵՐԵՎԱՆ, 20 մայիսի./Նովոստի-Արմենիա/. 44-օրյա պատերազմում զոհված զինծառայող Ժորա Մարտիրոսյանի մայրը՝ Գայանե Հակոբյանը կալանավորվեց մեկ ամսով ՀՀ վարչապետ Նիկոլ Փաշինյանի որդու՝ Աշոտ Փաշինյանի առևանգման դեպքի առթիվ հարուցված քրեական գործի շրջանակներում։

Երևանում երթ էր մեկնարկել՝ ի պաշտպանություն Գայանե Հակոբյանի, որի մասնակիցները հայտարարեցին կառավարության շենքի մոտ նստացույց սկսելու մասին։

Հակոբյանին աջակցող հարյուրավոր քաղաքացիներ, այդ թվում՝ զոհված զինծառայողների ծնողները, առավոտյան Շենգավիթի դատարանի շենքի դիմաց էին, ապա ինքնաբուխ բողոքի երթ կազմակերպեցին Երևանում՝ ժամանակ առ ժամանակ փակելով քաղաքի կենտրոնական հատվածի մի շարք փողոցներ։ Նրանք վանկարկում էին «Մենք Գայանե ենք»՝ պահանջելով ազատ արձակել կնոջը, կոչ անելով համաքաղաքացիներին միանալ իրենց։

Հասնելով Հանրապետության հրապարակ ցուցարարները հայտարարեցին կառավարության շենքի մոտ անժամկետ նստացույց սկսելու մասին։

Կառավարության շենքը շղթայված է ոստիկանների կողմից:-0-