Ավանեսյանն ԱԺ–ում հունից դուրս եկավ` չկարողանալով պատասխանել կորոնավիրուսի և պատվաստանյութի վերաբերյալ հարցին (ՎԻԴԵՈ)

ԵՐԵՎԱՆ, 23 սեպտեմբերի./Նովոստի–Արմենիա/. Այսօր ԱԺ Մարդու իրավունքների և հանրային հարցերի մշտական հանձնաժողովում աշխատանքային խորհդակցություն էր կազմակերպվել հոկտեմբերի 1–ից ներդրվող կարգավորումների վերաբերյալ, ըստ որոնց` քաղաքացիները պետք է 2 շաբաթը մեկ անգամ կորոնավիրուսի ՊՇՌ թեստ ներկայացնեն կամ պատվաստվեն։

Ինչպես նշեց բժշկական գիտությունների դոկտոր, պրոֆեսոր Սամվել Գրիգորյանը, պատվաստումը պետք է լինի գիտակցված և կամավոր։ Քաղաքացիներին պետք է տրամադրվի անկեղծ և ճշմարտացի տեղեկություն պատվաստման դրական և բացասական հետևանքների մասին, որպեսզի նրանք կարողանան կողմնորոշվել և ինքնուրույն որոշում կայացնել։

«Կատարվել են բազմաթիվ հետազոտություններ, այդ թվում և արտասահմանում, բայց Հայաստանի առողջապահության նախարարությունը ինչ-որ պատճառներով անտեսում է դրանց արդյունքները։ Ցավոք, ես պետք է նշեմ, որ Հայաստանում այդպես էլ չի իրականացվել դիսկուրս պատվաստման թեմայով, էլ չեմ ասում ավելի լայն թեմայի մասին, ինչպիսին է COVID-19-ին հակազդեցությունը։ Այս բոլոր հարցերը մեր երկրում փորձում են լուծել վարչարարական-հարկադիր մեթոդներով, ինչն անթույլատրելի է»,- ընդգծեց Գրիգորյանն` ներկայացնելով պատվաստման բացասական հետևանքների օրինակներ։

«Պատվաստումն անթույլատրելիությունը հղի կանանց շրջանում։ Դա կարող է սպառնալ վիժմամբ։ Նման դեպքեր, ցավոք, արդեն եղել են, ընդ որում՝ տարբեր երկրներում», – ասաց Գրիգորյանը` հավելելով, որ պատվաստումը նաև հակացուցված է կերակրող մայրերին։

Այս հայտարարությանն ի պատասխան` առողջապահության նախարար Անահիտ Ավանեսյանը նշեց. «Խնդրում եմ ձեզ հենց հիմա կոնկրետ նշել, թե որ պատվաստանյութը հակացուցումներ ունի։ Եվ ինչ հակացուցումների մասին է խոսքը։ Խնդրում եմ, մանիպուլյացիայի մի ենթարկեք իմ խոսքերը։ Հղի կանայք ամբողջ աշխարհում պատվաստվում են»։

Գրիգորյանը նախարարին ցույց տվեց ռուսական «Սպուտնիկ V» պատվաստանյութի օգտագործման հրահանգը, որի վրա նշված էին հակացուցումները։

Գիտնականը նախարարին բազմաթիվ հարցեր ուղղեց, որոնց Ավանեսյանն այդպես էլ չպատասխանեց։-0-