Չնայած նախորդ օրվա համեմատ կորոնավիրուսի դեպքերը նվազել են 209-ով, բայց դրանից համաճարակային իրավիճակի մեր գնահատականը չի փոխվում. Փաշինյան (ՎԻԴԵՈ)

19:05

30 Մայիսի 2020

ԵՐԵՎԱՆ, 30 մայիսի./Նովոստի–Արմենիա/. Չնայած երեկ, որ նախորդ օրվա համեմատ կորոնավիրուսի հաստատված դեպքերը նվազել են 209-ով, բայց դրանից համաճարակային իրավիճակի մեր գնահատականը չի փոխվում։

Այս մասին հայտնէլ է ՀՀ վարչապետ Նիկոլ Փաշինյանը պարետատն նիստից ետո կայացած ճեպազրույցի ժամանակ։

«Մենք այս ընթացքում ունեցել եք նման նվազում։ Երբ մայիսի 25-ի 452 դեպքից հետո հաջորդ օրը ունեցել ենք 289 դեպք, որից հետո դեպքերը կրկին սկսել են աճել։ Մենք պետք է շարունակենք դիտարկել իրավիճակը համոզվելու համար, թե արդյոք այսօրվա նվազումը որևէ բովանդակային բան փոխել է մեր իրավիճակում, թե ոչ»,-ասել է Փաշինյանը։

Загружается новость ... "Лево"

Նա անդրադարձել է նաև մեքենաներում նույն ընտանիքի անդամների դիմակ կրելու անհրաժեշտության մասին։

«Ես ուզում եմ հիշեցնել, որ պարետատան որոշմամբ մեքենային տրվել է փակ տարածքի կարգավիճակը, ինչպես կա իրականում ֆիզիկապես։ Եվ ինչպես, օրինակ՝ առևտրի կենտրոններում, սուպերմարկետներում, այնպես էլ՝ մեքենաներում, հասարակական տրանսպորտում, նույն ընտանիքի անդամները պարտավոր են կրել դիմակներ։ Երբ մենք ասում ենք բացառել առանց դիմակի շփումը ընտանիքի անդամ չհանդիսացող քաղաքացիների հետ, դա չի նշանակում, որ ընտանիքի անդամների հետ ամեն տեղ և ամենուր կարելի է շփվել առանց դիմակի»,- նշել է վարչապետը։

Նա կոչ է արել պահպանել երեք կանոն` կրել դիմակ, ախտահանել ձեռքերն ու պահել սոցիալական հեռավորություն։

Հայաստանում մայիսի 30-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 8927 դեպք, որոնցից 3317-ն` առողջացած, 127-ը` մահվման ելքով:-0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Հայաստան #Փաշինյան #կորոնավիրուս #գնահատական

Թեմատիկ նյութեր