Ֆրանսիան զգոն է Հայաստանի տարածքային ամբողջականության հարցում. Մակրոն

ԵՐԵՎԱՆ, 25 սեպտեմբերի./Նովոստի-Արմենիա/. Ֆրանսիայի նախագահ Էմանուել Մակրոնը TF1 և France 2 հեռուստաալիքներին տված հարցազրույցում մտահոգություն է հայտնել Ադրբեջանի կողմից Հայաստանի վրա հնարավոր ռազմական հարձակման կապակցությամբ։

Մակրոնն ընդգծել է, որ Բաքուն սպառնում է Հայաստանի տարածքային ամբողջականությանը։

«Ֆրանսիան շատ զգոն է Հայաստանի տարածքային ամբողջականության հարցում։ Այսօր Ռուսաստանը Ադրբեջանի կողմնակիցն է, իսկ Թուրքիան միշտ աջակցել է այս երկրի նկրտումներին»,- ասել է Ֆրանսիայի նախագահը։

Մակրոնը վերահաստատել է Լեռնային Ղարաբաղում Ադրբեջանի ռազմական գործողության անընդունելիությունը՝ կարևորելով արցախահայերին մարդասիրական օգնություն տրամադրելու ջանքերի համախմբումը։ Նա ընդգծել է, որ պետք է հարգել Ղարաբաղի հայերի իրավունքները։-0-