Հայաստանցիներին ջերմ ու արևառատ օրեր են սպասվում

ԵՐԵՎԱՆ, 25 սեպտեմբերի./Նովոստի–Արմենիա/. Հայպետհիդրոմետը ներկայացնում է առաջիկա օրերի եղանակի կանխատեսումը։

Եվ այսպես, սեպտեմբերի 25-27-ը, 28-ի գիշերը, 29-ին սպասվում է առանց տեղումների եղանակ: Սեպտեմբերի 28-ի ցերեկը շրջանների զգալի մասում սպասվում է անձրև և ամպրոպ:

Քամին՝ հյուսիս-արևելյան՝ 3-8 մ/վ, ամպրոպի ժամանակ սպասվում է քամու ուժգնացում`  15-20 մ/վ:

Օդի ջերմաստիճանը սեպտեմբերի 25-27-ն աստիճանաբար կբարձրանա 5-6 աստիճանով։

Մայրաքաղաք Երևանում սեպտեմբերի 25-27-ը, 28-ի գիշերը, 29-ին սպասվում է առանց տեղումների եղանակ, սեպտեմբերի 28-ի կեսօրից հետո սպասվում է անձրև և ամպրոպ, ամպրոպի ժամանակ սպասվում է քամու ուժգնացում` 15-20 մ/վ:Այսօր ցերեկային ժամերին մայրաքաղաքում սպասվում է +26...+28, գիշերը` +13...+15, սեպտեմբերի 26–ին ցերեկը կանխատեսվում է +27...+29, գիշերը` +13...+15։–0–