Հայտնի երգիչ Հայկոյի վիճակը ծանրացել է, նրան միացրել են արհեստական շնչառության սարքին

ԵՐԵՎԱՆ, 22 սեպտեմբերի./Նովոստի–Արմենիա/. Հայտնի երգիչ Հայկոն ծանր վիճակում գտնվում է Միքայելյանի անվան վիրաբուժության ինստիտուտոմ։

ՀՀ ազգային ժողովի նախագահ Ալեն Սիմոնյանը նախօրեին այցելել է հիվանդանոց՝ տեսակցելու երգիչ, հաղորդում է «Արմենպրեսը»` հղում անելով Սիմոնյանի մամուլի խոսնակ Ծովինար Խաչատրյանին:

Ըստ լրատվամիջոցներում տարածված տեղեկությունների՝ Հայկոն վարակվել է կորոնավիրուսով. նրա վիճակը գնահատվում է ծանր:

«Հրապարակի» հաղորդմամբ, առավոտյան Հայկոյի վիճակը ծանրացել է: Նրան արհեստական շնչառության համակարգին են միացրել: Բժիշկներն ամեն ինչ անում են կյանքը փրկելու համար: Սակայն բանն այն է, որ նա մեծ ուշացումով է հոսպիտալացվել` շուրջ 8 օր տանը բուժվելուց հետո, երբ հարազատները փորձել են թթվածնի սարք բերել տուն, նոր միայն բժիշկներն իմացել են, որ վիճակը վատ է:

ԵՊԲՀ ռեկտոր, առողջապահության նախկին նախարար Արմեն Մուրադյանին մեծ դժվարությամբ հաջողվել է համոզել, որ Հայկոյին տանեն հիվանդանոց: Նա Միքայելյան բժշկական կենտրոն է բերվել թոքերի 80 տոկոս ախտահարումով, ինչը խիստ բարդացրել է բժիշկների գործը:–0–