Հրապարակվել է առաջիկա օրերի չվերթերի չվացուցակը

ԵՐԵՎԱՆ, 6 հուլիսի./Նովոստի–Արմենիա/. Քաղաքացիական ավիացիայի կոմիտեն Facebook–յան իր էջում հրապարակել է առաջիկա օրերին նախատեսված չվերթերի չվացուցակը։

«Տեղեկացնում ենք, որ ս. թ․ հուլիսի 7-ին կիրականացվի Վորոնեժ-Երևան չվերթը Aircompany Armenia ավիաընկերության կողմից (ժամանում դեպի Երևան 21:20)», – նշվում է հաղորդագրության մեջ:

Հուլիսի 7-ին կիրականացվի Երևան-Մոսկվա 2 չվերթ Ural ավիաընկերության կողմից (Առաջին չվերթ՝ Երևանից մեկնում ժամը 16:25, երկրորդ չվերթ՝ Երևանից մեկնում ժամը 16:45):

Հուլիսի 8-ին կիրականացվի Կիև-Երևան-Կիև չվերթը SKYUP ավիաընկերության կողմից (ժամանում դեպի Երևան 18:50, Երևանից մեկնում ժամը 19:45):

Հուլիսի 8-ին կիրականացվի Մոսկվա-Երևան չվերթը Red Wings ավիաընկերության կողմից (ժամանում 21:40):

Հուլիսի 8-ին, 9-ին և 11-ին կիրականացվի Մինսկ-Երևան-Մինսկ չվերթը Belavia ավիաընկերության կողմից (ժամանում դեպի Երևան 02:45, Երևանից մեկնում ժամը 03:35):

Հուլիսի 9-ին կիրականացվի Միներալնիե Վոդի-Երևան չվերթը Aircompany Armenia ընկերության կողմից ( ժամանում դեպի Երևան 15:00):

Հուլիսի 10-ին կիրականացվի Դոնի Ռոստով-Երևան չվերթը Aircompany Armenia ընկերության կողմից ( ժամանում դեպի Երևան 14:00):

Նույն օրը կիրականացվի Կրասնոդար-Երևան չվերթը Aircompany Armenia ընկերության կողմից ( ժամանում դեպի Երևան 19:45):

«Արտերկրից ժամանած ՀՀ քաղաքացիները և ՀՀ տարածք մուտք գործելու իրավունք ստացած օտարերկրյա քաղաքացիները ս.թ. հունիսի 23-ից պարտավորվում են ինքնուրույն կազմակերպել իրենց տեղափոխումը օդանավակայանից և ցամաքային սահմանային անցակետերից դեպի նախանշված ինքնամեկուսացման վայրեր», – հայտնում են Քաղավիացիայի կոմիտեից։–0–