+7
Եղանակը Երևանում
Հայ
ԿԱՅԾԱԿ Բոլոր նորությունները կորոնավիրուսի մասին, ՀՀ–ում սահմանվել է արտակարգ դրություն, գրանցվել է վարակի 424 դեպք. ԹԱՐՄԱՑՎՈՂ

Ճապոնիան ՀՀ-ին տրամադրել է հրշեջ մեքենաների նոր խմբաքանակ. վարչապետը երախտագիտություն է հայտնել ճապոնական կողմին (ՖՈՏՈ)

19:37
06 Մայիսի 2019

ԵՐԵՎԱՆ, 6 մայիսի./Նովոստի–Արմենիա/. ՀՀ վարչապետ Նիկոլ Փաշինյանը Արտակարգ իրավիճակների նախարարությունում ներկա է գտնվել Ճապոնիայի միջազգային համագործակցության գործակալության (JICA) կողմից Հայաստանին տրամադրված հրշեջ մեքենաների ներկայացման արարողությանը, հաղորդում է ՀՀ վարչապետի մամուլի ծառայությունը;

Ճապոնական կողմը մեր երկրին տրամադրել է 14 հրշեջ ավտոմեքենա, 3 ավտոսանդուղք և 1 կարգավար մեքենա: 

МЧС

Իր խոսքում, վարչապետ Փաշինյանը, մասնավորապես, նշել է. 

«Հարգարժան պարոն դեսպան Ջուն Յամադա, Ճապոնիայի միջազգային համագործակցության գործակալության ներկայացուցիչ Էջիրի Յուկիհիկո,  հարգելի պարոն նախարար, պետական այրեր, հյուրեր, ուրախ եմ ներկա գտնվել այսօրվա հանդիսավոր արարողությանը, որի նպատակն է ներկայացնել Ճապոնիայի միջազգային համագործակցության գործակալության (JICA) կողմից Հայաստանին տրամադրվող հերթական օգնության ծրագիրը: Այս անգամ JICA-ն Հայաստանին տրամադրում է օգնություն Հայաստանի Հանրապետության արտակարգ իրավիճակների նախարարության փրկարար ծառայության՝ Սյունիքի, Լոռու և Շիրակի մարզային հրշեջ փրկարարական ստորաբաժանումներին աջակցելու, դրանք արդիականացնելու համար: Համաձայն այդ ծրագրի՝ Ճապոնիայի կառավարությունը Հայաստանին, ընդհանուր առմամբ, տրամադրելու է 36 միավոր հրշեջ մեքենա, 3 միավոր սանդուղքավոր մեքենա, շարժական արհեստանոցներ և պահեստամասեր, որոնք համալրելու են վերոնշյալ մարզերի տեխնիկական բազան: Ծրագրի արժեքը կազմում է շուրջ 14,5 մլն դոլար:

МЧС

Ես ցանկանում եմ մեր երախտագիտությունը հայտնել Ճապոնիայի կառավարությանը Հայաստանին տրամադրվող օգնության և տարիներ շարունակ ցուցաբերվող ֆինանսական և տեխնիկական օժանդակության համար: Ձեր օգնությունը մշտապես օգնել է Հայաստանի զարգացման ծրագրերի իրականացման, տնտեսության և ենթակառուցվածքների արդիականացման հարցում: JICA-ի օգնությունը կարևոր նշանակություն է ունեցել մեր էներգետիկ համակարգի արդիականացման և արդյունավետության բարձրացման համար: Հարկ է նկատել, որ ճապոնական օգնությունը հատկապես զգալի է եղել բնական աղետներից պաշտպանվելու մեր ունակությունների բարձրացման ոլորտում: Դա վերաբերում է սողանքների դեմ պայքարին, սեյսմիկ կայունությանը, հրշեջ ծառայության ունակությունների արդիականացմանը և այլ հարցերի:

Ցանկանում եմ հիշատակել մեկ այլ ծրագիր ևս, որի իրականացման հետ կապված հանդիսավոր արարողությունը նույնպես տեղի է ունեցել այսօր: Խոսքս Հայաստանի հանրային հեռուստատեսության արխիվային ձայնագրությունները թվայնացնելու համար նախատեսված սարքավորումների բարելավման համար տրամադրվող օգնության մասին է, որը կազմում է ընդհանուր առմամբ շուրջ 1.3 միլիոն դոլար:

Հայաստանը մշտապես շահագրգռված է ամրապնդել բարեկամական կապերն ու համագործակցությունը Ճապոնիայի հետ: Համոզված եմ, որ շատ բաներ կան, որոնք միավորում են մեր ժողովուրդներին: Թե՛ ճապոնացիները, թե՛ հայերն ունեն ուրույն և իրենց տարածաշրջանի համար առանձնահատուկ մշակույթ: Ուշագրավ է նաև այն, որ երկուսն էլ ունեն ազգային ինքնության ընդգծված զգացում: Օգնության ծրագրերն, անշուշտ, հանդիսանում են մեր բարեկամության և Հայաստանի նկատմամբ Ճապոնիայի ունեցած բարյացակամության արտահայտումը: Մեր ժողովուրդների և երկրների միջև գոյություն ունեցող հարգանքն ու համակրանքը լավ հիմք են հանդիսանում մեր երկկողմ հարաբերություններն էլ ավելի խորացնելու և կատարելագործելու համար: Մենք պատրաստ ենք գործադրել ամեն ջանք և որոնել նոր ուղիներ մեր կապերն ամրապնդելու և փոխշահավետ համագործակցությունը զարգացնելու համար: Շնորհակալ եմ»: 

Միջոցառման ընթացքում որպես երկարատև և արդյունավետ համագործակցության խորհրդանիշ մարվել է ՀՀ ԱԻՆ-JICA թեմայով նամականիշ:

марка Айпост МЧС

2017թ. սեպտեմբերի 7-ին Արտակարգ իրավիճակների նախարարության և Ճապոնիայի միջազգային համագործակցության գործակալության միջև ստորագրվել է ԱԻ նախարարությանը 36 հրշեջ մեքենա, 3 ավտոսանդուղք և 1 կարգավար մեքենա տրամադրելու մասին դրամաշնորհային համաձայնագիր: 

Առաջին փուլի գույքն ու սարքավորումները արդեն իսկ Հայաստանի Հանրապետությունում են 14 հրշեջ մեքենա, 3 շարժասանդուղք 1 կարգավար մեքենա (շարժական արհեստանոց), իսկ երկրորդ փուլը՝ 22 հրշեջ մեքենա նախատեսվում է տրամադրել 2019թ. սեպտեմբեր-հոկտեմբեր ամիսներին: 

Ծրագրի առաջին փուլով տրամադրվող մեքենաների բաշխումը կատարվել է հետևյալ կերպ՝ Շիրակի մարզ՝ 6 հատ 5 հրշեջ մեքենա, 1 շարժասանդուղք, Լոռու մարզ՝ 6 հատ 5 հրշեջ մեքենա, 1 շարժասանդուղք, Սյունիքի մարզ՝ 5 հատ 4 հրշեջ մեքենա, 1 շարժասանդուղք: 

2019թ. ապրիլի 18-ից (մինչև մայիսի 25-ը) ԱԻՆ «Ճգնաժամային կառավարման պետական ակադեմիա» ՊՈԱԿ-ի «Լուսակերտ» ուսումնական բազայում կազմակերպվել է Լոռու, Շիրակի և Սյունիքի մարզերում հրշեջ գույքի բարելավման ծրագրի շրջանակներում ստացված հրշեջ ավտոմեքենաների շահագործման և սպասարկման վերաբերյալ մասնագիտական դասընթացներ՝ ճապոնացի մասնագետների մասնակցությամբ:–0– 

Partners News

loading...


Թեմատիկ նյութեր
Ամենակարդացվող
Բաժնի այլ նյութեր
13:10
26 Մարտի 2020
Պարում են բոլորը. հայ բժիշկները չեն վհատվում և աջակցում են հիվանդներին իրենց պարով (ՎԻԴԵՈ)
Մեր հավեսով բժիշկները. հայ բժիշկները չեն վհատվում և աջակցում են հիվանդներին իրենց պարով. ՎԻԴԵՈ
21:37
21 Մարտի 2020
Գարունը վերադառնում է. Հայաստանում սպասվում է ջերմաստիճանի բարձրացում
Գարունը վերադառնում է. Հայաստանում սպասվում է ջերմաստիճանի բարձրացում
19:20
20 Մարտի 2020
4041 միայնակ տարեցի կհատկացվի սննդի մեկամսյա պաշար
Հայաստանում 4041 միայնակ տարեցի կհատկացվի սննդի մեկամսյա պաշար
11:01
19 Մարտի 2020
Հայաստանցի դպրոցականների թիմը 4 մեդալ է նվաճել Կովկասյան 5-րդ մաթեմատիկական օլիմպիադայում
Ապրեն մեր երեխաները. հայաստանցի դպրոցականների թիմը 4 մեդալ է նվաճել Կովկասյան 5-րդ մաթեմատիկական օլիմպիադայում
11:00
15 Մարտի 2020
Մեր գյումրեցի աղջնակի վիճակը կայուն է, գիտակից է. Թորոսյան
Թորոսյանը լավ լուրեր է հայտնում Գյումրիում ծեծի ենթարկված 13–ամյա աղջնակից
10:54
09 Մարտի 2020
Սրտի լուրջ խնդիրներ ունեցող 4,5 տարեկան Անգելինան բարեհաջող վիրահատվել է, նման վիրահատություն ՀՀ–ում առաջին անգամ է կատարվել (ՖՈՏՈ)
Հրաշքներ լինում են. սրտի լուրջ խնդիրներ ունեցող 4,5 տարեկան Անգելինան բարեհաջող վիրահատվել է, նման վիրահատություն ՀՀ–ում առաջին անգամ է կատարվել. ՖՈՏՈ
13:18
08 Մարտի 2020
Շնորհավորանք անգամ օդից. Վանաձորում յուրօրինակ ձևով են շնորհավորում կանանց (ՖՈՏՈ, ՎԻԴԵՈ)
Շնորհավորանք անգամ օդից. Վանաձորում յուրօրինակ ձևով են շնորհավորում կանանց. ՖՈՏՈ, ՎԻԴԵՈ
18:14
06 Մարտի 2020
Երևանում Պլանետարիումը կբացվի տեխնիկական ռեժիմով, հայտնի է բացման օրը (ՖՈՏՈ)
Երևանում Պլանետարիումը կբացվի տեխնիկական ռեժիմով, հայտնի է բացման օրը. ՖՈՏՈ
14:04
02 Մարտի 2020
Համալսարանական բժիշկները փրկել են մեկ ամսական փոքրիկի կյանքը
Համալսարանական բժիշկները փրկել են մեկ ամսական փոքրիկի կյանքը
12:57
02 Մարտի 2020
Գարունը համարում ենք բացված, ջերմաստիճանը բարձրանում է 5–7 աստիճանով. Սուրենյան
Գարունը համարում ենք բացված, ջերմաստիճանը բարձրանում է 5–7 աստիճանով. Սուրենյան
10:37
02 Մարտի 2020
Երևանի փողոցներում փոշեկուլ մեքենաներ կգործարկվեն (ՎԻԴԵՈ)
Երևանի փողոցներում փոշեկուլ մեքենաներ կգործարկվեն. ՎԻԴԵՈ
12:20
20 Փետրվարի 2020
Հայաստանցիներին մայիսյան երկար հանգստյան օրեր են սպասվում
Հայաստանցիներին մայիսյան երկար հանգստյան օրեր են սպասվում