Լավ ու բարի լուր. Գյումրիում դաժան ծեծի ենթարկված 13–ամյա աղջիկը քայլում է, առայժմ` բժիշկների օգնությամբ (ՎԻԴԵՈ)

ԵՐԵՎԱՆ, 31 մարտի./Նովոստի–Արմենիա/. Գյումրիում դաժան ծեծի ենթարկված 13–ամյա աղջիկն արդեն կարողանում է քայլել, առայժմ` բժիշկների օգնությամբ։

«Գյումրիում շաբաթներ առաջ բռնության ենթարկված, ծայրահեղ ծանր վիճակում «Սուրբ Աստվածամայր» ԲԿ տեղափոխված 13-ամյա աղջիկը արդեն կարողանում է քայլել, առայժմ՝ բժիշկների օգնությամբ», – նշվում է հաղորդագրության մեջ։

Ինչպես հայտնել է ԲԿ–ի մամուլի քարտուղար Գևորգ Դերձյանը, աղջիկը շարունակում է մնալ «Սուրբ Աստվածամայր» ԲԿ-ի բժիշկների հոսկողության տակ ու ստանալ դեռ անհրաժեշտ բուժումը:

«Հ.Գ. Չնայած չի էլ ցանկանում լքել բկ-ն ու բժիշկներին», – նշել է Դերձյանը։

Հիշեցնենք, որ մարտի 5-ին Գյումրիում դաժան ծեծի էին ենթարկվել մայրն ու նրա անչափահաս դուստրը. կինը մահացել է, իսկ փոքրիկ աղջնակը ծայրահեղ ծանր վիճակում՝ մարմնական բազում վնասվածքներով տեղափոխվել «Սուրբ Աստվածամայր» ԲԿ։ Ծեծի ենթարկող 28–ամյա երիտասարդը ձերբակալվել է, նա տվել է խոստովանական ցուցմունք։–0–