431.95
7.72
408.39
+32
Եղանակը Երևանում
Հայ

Նախատեսվում է նոր վերահսկող սարքերով լցակայաններում բացառել թերլիցքավորումները. քննարկում՝ ԱԺ հանձնաժողովում

16:15
11 Մարտի 2022

ԵՐԵՎԱՆ, 11 մարտի./Նովոստի–Արմենիա/. Հայաստանում նախատեսվում է նոր տեղադրվելիք սարքերով վերահսկել բենզալցակայանների, գազալցակայանների վառելիքաբաշխիչ աշտարակները, որպեսզի տնտեսավարողը չկարողանա միջամտել  աշխատանքին և թերլիցքավորումներ անել:

«Արմենպրես»-ի հաղորդմամբ՝ ««Առևտրի և ծառայությունների մասին» օրենքում լրացումներ կատարելու մասին» և «Վարչական իրավախախտումների վերաբերյալ Հայաստանի Հանրապետության օրենսգրքում լրացում և փոփոխություններ կատարելու մասին» օրենքների նախագծերի վերաբերյալ ԱԺ տնտեսական հարցերի հանձնաժողովը աշխատանքային քննարկում էր կազմակերպել:

Հանձնաժողովի նախագահ Վահե Հակոբյանը հիշեցրեց, որ օրենքի նախագիծն արդեն մեկ անգամ հետ են ուղարկել, այդ քննարկմամբ ցանկանում են շատ լսել թե նախաձեռնողներին, թե տնտեսավարողներին:

Էկոնոմիկայի նախարարության որակի ենթակառուցվածքների զարգացման վարչության պետ Ժաննա Զաքարյանը հայտնեց, որ, հաշվի առնելով նախարարություն պարբերաբար ստացվող բողոքները՝ թերլցումների վերաբերյալ, հնարավոր իրավական լուծում են առաջարկել:

«Հեղուկ վառելիքի, սեղմված բնական կամ հեղուկացված նավթային գազերի մանրածախ առևտրի կետերում առկա վառելիքաբաշխիչ աշտարակների համար սահմանել ենք պահանջ՝ կարգաբերման ռեժիմի ռեգիստրով միանշանակ կահավորված լինելու մասով»,-ասաց Զաքարյանը՝ հավելելով, որ նախատեսվել է նաև համապատասխան վարչական պատասխանատվություն:

Հանձնաժողովի նախագահ Վահե Հակոբյանը պարզաբանեց՝ առաջարկվում է, որ բոլոր գազալցակայաններում և բենզալցակայաններում աշտարակների վրա տեղադրվեն սարքեր, որոնք կվերահսկեն լիցքավորման չափը, այլ պարամետրերը, որոնք անհրաժեշտ են լինելու՝ հասկանալու, թե տնտեսավարողը սպառողին փորձո՞ւմ է գցել մոլորության մեջ, թե՞ ոչ:

Շուկայի վերահսկողության տեսչական մարմնի ղեկավար Արմեն Կոտոլյանն էլ ընդգծեց, որ դա չի վերաբերում չափը, քանակը վերահսկելուն:

«Խոսքը նրա մասին է, որ շատ ժամանակ տնտեսավարողները հնարավորություն են ունենում միջամտել վառելիքաբաշխիչ աշտարակի աշխատանքին, որի հետևանքով լինում են թերլիցքավորումներ: Այս սարքի օգնությամբ մենք տեսնելու ենք՝ կա՞ միջամտություն, թե՞ ոչ: Եթե տեսնենք, որ կա, համապատասխան ընթացակարգով բացվելու է ստուգում, և տեսչական մարմնի աշխատակիցներն արդեն ստուգում են իրականացնելու տվյալ տնտեսավարողի մոտ»,-ասաց Կոտոլյանը:

Ստանդարտացման և չափագիտության ազգային մարմնի տնօրեն Ալբերտ Բաբայանն էլ հավելեց, որ այդ սարքերը նախատեսված են լինելու վառելիքաբաշխիչ աշտարակները  վերահսկելու համար:

Պատգամավոր Բաբկեն Թունյանը հիշեցրեց, որ նախագծի քննարկումը հանձնաժողովում հետաձգելու որոշումը կապված է եղել գնի հետ, որ տնտեսավարողների վրա հավելյալ բեռ է առաջանում: Էկոնոմիկայի փոխնախարար Նարեկ Տերյանը, նրա խոսքով, հայտնել էր, որ այդ սարքն արժի մոտ 600 հազար դրամ:

«Այսինքն մեկ աշտարակի համար այդքան լրացուցիչ ծախս էր առաջանալու: Ինչը ենթադրում է, որ եթե մեկ գազալցակայանն ունի մի քանի աշտարակ, ապա լրացուցիչ մի քանի միլիոն դրամի բեռ է առաջանալու»,-ասաց Թունյանն ու հարցրեց, թե արդյոք գնի մասով կոնկրետություն մտե՞լ է:

Նախարարության ներկայացուցիչն ասաց, որ արտադրողի հետ քննարկումների համաձայն՝ արժեքը բավականին մեծ՝ 1 մլն-1 մլն 200 հազար դրամ է ստացվում:

Կոտոլյանն էլ հավելեց, որ միգուցե արտադրողին այլ կերպ են ներկայացրել պահանջները: Հայկական մեկ այլ արտադրողի հետ հանդիպմանը առաջարկը եղել է մինչև 150 հազար դրամ:

Հանձնաժողովի նախագահը լրագրողների հետ զրույցում ասաց, որ միգուցե նման սարքերը սկզբում կիրառելի լինեն ոչ բարեխիղճ տնտեսավարողների մոտ, հետո որոշվի հետագա քայլերը:

«Ի վերջո այս ֆինանսական բեռն ընկնելու է սպառողի վրա: Այս անկայուն գների, գնաճի պարագայում պետք է շատ զգույշ ու բալանսավորված տնտեսական քաղաքականություն վարենք այսօր Հայաստանում»,-ասաց Հակոբյանը:–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
Ամենակարդացվող
ԱՌԿԱ գործակալություն
Բաժնի այլ նյութեր
11:37
10 Հունիսի 2022
Սյունիքից սանավիացիայի ուղղաթիռներով «Սուրբ Աստվածամայր» ԲԿ տեղափոխված երեխաների մոտ դրական դինամիկա կա (ՎԻԴԵՈ)
Սյունիքից սանավիացիայի ուղղաթիռներով «Սուրբ Աստվածամայր» ԲԿ տեղափոխված երեխաների մոտ դրական դինամիկա կա. ՎԻԴԵՈ
11:15
09 Հունիսի 2022
Բարի և ուրախ լուր Արտաշատի ԲԿ-ից. լույս աշխարհ են եղել Քաշաթաղից տարհանված ընտանիքի 12-րդ և 13-րդ զավակները
Բարի և ուրախ լուր Արտաշատի ԲԿ-ից. լույս աշխարհ են եղել Քաշաթաղից տարհանված ընտանիքի 12-րդ և 13-րդ զավակները
12:33
06 Հունիսի 2022
Հայ աշակերտների կողմից նախագծված սարքը կուղարկվի տիեզերք (ՖՈՏՈ, ՎԻԴԵՈ)
Հայ աշակերտների կողմից նախագծված սարքը կուղարկվի տիեզերք. ՖՈՏՈ, ՎԻԴԵՈ
13:56
03 Հունիսի 2022
Մոր կողմից Դեբեդ գետը նետված 2–ամյա Արևը դուրս գրվեց ԲԿ-ից և տեղափոխվեց ՀՕՖ խնամքի կենտրոն
Մոր կողմից Դեբեդ գետը նետված 2–ամյա Արևը դուրս գրվեց ԲԿ-ից և տեղափոխվեց ՀՕՖ խնամքի կենտրոն
14:52
12 Մայիսի 2022
Բուժքրոջը էնպես է կպած, ոնց որ մամային, ձեռքից բռնած ման է գալիս. մոր կողմից Դեբեդ գետը նետված 2–ամյա Արևն ապաքինվել է (ՎԻԴԵՈ)
Բուժքրոջը էնպես է կպած, ոնց որ մամային, ձեռքից բռնած ման է գալիս. մոր կողմից Դեբեդ գետը նետված 2–ամյա Արևն ապաքինվել է. ՎԻԴԵՈ
20:30
09 Մայիսի 2022
Որպես անհետ կորած որոնվող Աննա Հակոբյանը հայտնաբերվել է
Որպես անհետ կորած որոնվող Աննա Հակոբյանը հայտնաբերվել է
13:06
27 Ապրիլի 2022
Արևի պես ժպտում է բոլորին. մոր կողմից գետը նետված 2–ամյա Արևի մոտ նկատվում է դրական դինամիկա
Արևի պես ժպտում է բոլորին. մոր կողմից գետը նետված 2–ամյա Արևի մոտ նկատվում է դրական դինամիկա
13:45
21 Ապրիլի 2022
Երևանում հազվադեպ հիվանդությամբ 30–ամյա կինը առողջ տղա է լույս աշխարհ բերել
Երևանում հազվադեպ հիվանդությամբ 30–ամյա կինը առողջ տղա է լույս աշխարհ բերել
15:02
30 Մարտի 2022
Հայ աշակերտները ոսկե մեդալի են արժանացել ՌԴ-ում անցկացվող «Ռոբոարտ 2022» մրցույթ-փառատոնում
Հայաստանը ներկայացրել են Նարեկ Սարգսյանը և Գևորգ Սարգսյանը
23:37
07 Մարտի 2022
Իսկական հրաշք. Հայաստանում 540 գրամ քաշով ծնված փոքրիկն այսօր դուրս է գրվել 3 կգ 700 գրամ քաշով և լիովին առողջ (ՖՈՏՈ)
Իսկական հրաշք. Հայաստանում 540 գրամ քաշով ծնված փոքրիկն այսօր դուրս է գրվել 3 կգ 700 գրամ քաշով և լիովին առողջ. ՖՈՏՈ
21:22
01 Մարտի 2022
44-օրյա պատերազմում միակ որդուն կորցրած 60-ամյա ամուսինները կրկին ծնող են դարձել (ՖՈՏՈ)
44-օրյա պատերազմում միակ որդուն կորցրած 60-ամյա ամուսինները կրկին ծնող են դարձել. ՖՈՏՈ
14:27
24 Փետրվարի 2022
33 տոննայանոց վագոնը քաշել է ճկույթով. Երևանի մետրոյում համաշխարհային ռեկորդ է սահմանվել (ՎԻԴԵՈ)
Երևանի մետրոյում համաշխարհային ռեկորդ է սահմանվել. ՎԻԴԵՈ