ԵՐԵՎԱՆ, 21 հունվարի./Նովոստի-Արմենիա/. «Ռոստելեկոմ»-ը, կարևորելով բաժանորդների առաջարկներն ու ցանկությունները, հեռուստադիտողին է ներկայացնում նոր և շատ սպասված՝ «Շանթ Kids» HD (թիվ 517) հեռուստաալիքը։ Այս մասին հայտնում է «Ռոստելեկոմ»-ի մամուլի ծառայությունը:
«Շանթ Kids» -ը հանդիսանում է առաջին հայալեզու շուրջօրյա մանկական հեռուստաալիքը, որը հնարավորություն է ընձեռում դիտելու բոլոր ժամանակների լավագույն մուլտֆիլմերն ու հեքիաթները միմիայն հայերեն թարգմանությամբ։ Այն սպասված հեռուստաալիք է՝ գունեղ, տպավորիչ, ապահով, ուսուցողական բովանդակությամբ և ներառվել է «Ռոստելեկոմ»-ի բոլոր փաթեթային առաջարկներում։
«Շանթ Kids» HD հեռուստաալիքով հեռարձակվելու են՝
• հայկական սիրված մուլտֆիլմեր,
• մրցութային հեռուստաշոուներ,
• մանկապատանեկան գեղարվեստական ֆիլմեր,
• հանրահայտ լիամետրաժ և կարճամետրաժ մուլտֆիլմեր,
• Союзмультфильм-ի ողջ տեսադարանը։
Այսպիսով, «Շանթ Kids» HD հեռուստաալիքի շնորհիվ հին ու բարի հեքիաթային հերոսները մանուկների հետ հեռուստաէկրանից կխոսեն հայերեն լեզվով։
«Շանթ Kids»` մեկ քայլ մանուկներին ընդառաջ:
Ընկերության Սմարթ հեռուստատեսության եթերով մշտապես հեռարձակվում է ամենաբարձր վարկանիշն ունեցող բովանդակությունը՝ պարբերաբար թարմացվելով ու համալրվելով լավագույն ժամանակակից հեռուստաալիքներով։
Հիշեցնենք նաև, որ Սմարթ հեռուստատեսության բոլոր ալիքները նույնպես մինչև ս.թ. փետրվարի 15-ը հասանելի կլինեն ընկերության բոլոր բաժանորդների համար։
«ՌՈՍՏԵԼԵԿՈՄ» ԲԲԸ-ն (www.rostelecom.ru) Ռուսաստանի և Եվրոպայի հեռահաղորդակցության ոլորտի խոշորագույն և դինամիկ զարգացող ընկերությունների խումբ է, որը ծառայություններ է մատուցում ոլորտի բոլոր սեգմենտներում Ռուսաստանի ողջ տարածքով:
Ընկերությունը առաջատար դիրք է գրավում ինտերնետի հասանելիության և վճարովի հեռուստատեսության ծառայությունների ռուսաստանյան շուկայում. Ինտերնետ հասանելիության ծառայությունից օգտվողների թիվը գերազանցում է 10.9 մլն-ը, իսկ վճարովի հեռուստատեսությանը՝ 7.7 մլն-ը:
«Ռոստելեկոմ» ԲԲԸ-ն առաջատարն է ռուսաստանյան պետական կառույցների և բոլոր մակարդակների կորպորատիվ հաճախորդներին մատուցվող հեռահաղորդակցության ծառայությունների շուկայում:
Ընկերությունը առաջատար դիրքեր ունի նաև Էլեկտրոնային կառավարության համար ինովացիոն լուծումների, ամպային տեխնոլոգիաների կիրառման, առողջապահության, կրթության, անվտանգության, կենցաղ-կոմունալ ծառայությունների ոլորտներում:
Ընկերության կայուն ֆինանսական վիճակը հաստատվում է վարկանիշային աղյուսակներում գրաված դիրքերով՝ Fitch Ratings գործակալությունն այն գնահատում է վարկանիշային աղյուսակի "BBB-" մակարդակում, իսկ Standard&Poor’s գնահատմամբ այն "BB+" է:-0-