Տավուշի մարզպետը մեկնաբանել է մարզի մի քանի գյուղերն Ադրբեջանին փոխանցելու լուրերը

ԵՐԵՎԱՆ, 27 նոյեմբերի./Նովոստի–Արմենիա/. Տավուշի մարզպետ Հայկ Չոբանյանը կոչ է արել քաղաքացիներին ուշադրություն չդարձնել ադրբեջանական լրատվություն տարածող հրապարակումներին։


Ավելի վաղ նրանք հաղորդում էին, որ Ադրբեջանին են փոխանցվելու Տավուշի մի քանի գյուղեր։

Մարզպետը Facebook–յան իր էջում կրկին հրապարակել է նոյեմբերի 10–ին ՀՀ վարչապետի մամուլի խոսնակ Մանե Գևորգյանի գրառումը, համաձայն որի` Տավուշի մարզի որոշ գյուղերի՝ Ադրբեջանին անցնելու մասին տեղեկությունները կեղծ են և չեն համապատասխանում իրականությանը:

«Սիրելի հայրենակիցներ, մեկ անգամ ևս հրապարակում եմ մեր պաշտոնական հայտարարությունը և խնդրում եմ ուշադրություն չդարձնել ադրբեջանական լրատվություն տարածող հրապարակումներին», – գրել է մարզպետը Facebook–յան իր էջում։–0–