531.55
7.56
477.71
+3
Եղանակը Երևանում
Հայ

Ուրախ լուր. ՀՀ–ում 0-18 տարեկան երեխաների հիվանդանոցային բուժօգնությունն ու սպասարկումը կիրականացվի պետպատվերի շրջանակում

15:27
27 Հունիսի 2019

ԵՐԵՎԱՆ, 27 հունիսի./Նովոստի–Արմենիա/. Հայաստանում 0-18 տարեկան երեխաների հիվանդանոցային բժշկական օգնությունն ու սպասարկումն ամբողջությամբ կիրականացվի պետպատվերի շրջանակում։

Այս մասին որոշումն ընդունվել է կառավարության հունիսի 27-ի նիստում:

Որոշման նախագիծը ներկայացրեց առողջապահության նախարարի տեղակալ Անահիտ Ավանեսյանը:

««Երեխաների բժշկական օգնության ծառայություններ» ծրագրում նախատեսվում է 0-18 տարեկան երեխաներ հիվանդանոցային բժշկական օգնությունն ու սպասարկումն ամբողջությամբ իրականացնել պետական պատվերի շրջանակներում»,- նշեց Ավանեսյանը:

Նախատեսվում է նաև փոխհատուցել մինչև տարեվերջ կանխատեսվող դեֆիցիտն` ընդհանուր առմամբ ծրագրին ուղղելով 1.75 մլրդ դրամ:

Ինչպես նշվում է ՀՀ առողջապահության նախարարության մամուլի ծառայության հաղորդագրության մեջ, կառավարության կողմից հավանություն արժացավ Առողջապահության նախարարության` բնակչի բուժօգնության բարելավմանն ուղղված հերթական առաջարկը։

Առողջապահության ոլորտի առավել հրատապություն և կարևորություն ունեցող մի շարք ծրագրերի իրականացման համար առողջապահության նախարարությանը հատկացվել է 12 միլիարդ դրամ:

Մի շարք ծագրերում նախատեսվող փոփոխություններով` ընդլայնվում են պետության կողմից երաշխավորված անվճար և արտոնյալ պայմաններով մատուցվող ծառայությունների շրջանակը, շահառուների խմբերը: Քայլերն ուղղված են մատուցվող ծառայությունների որակի բարձրացմանը, ինչը կնպաստի գրպանից կատարվող ծախսերի ցուցանիշի նվազեցմանը: Միաժամանակ, հավելյալ ֆինանսական միջոցները հնարավորություն կտան առողջապահական կազմակերպությունների արդիականացման և անհրաժեշտ սարքավորումներով վերազինման:

Հարկ է նշել, որ ծրագրերից յուրաքանչյուրն ուղղված է կյանքեր փրկելուն, կյանքի տևողության և որակի բարձրացմանը` ինչպես պացիենտների, այնպես էլ նրանց հարազատների։ Ծրագրերի կենսագործումն ունենալու է նաև տնտեսական ազդեցություն` ի դեմս կենսունակ մարդկային կապիտալի:

1. «Սոցիալապես անապահով և հատուկ խմբերում ընդգրկվածների բժշկական օգնության իրականացում» ծրագրին հատկացված լրացուցիչ 5.1 մլրդ դրամը կուղղվի`

1) հիվանդանոցային բժշկական օգնության և սպասարկման ծառայությունների գների համահարթեցմանը, ինչի արդյունքում կբարձրանա մատուցվող հիվանդանոցային ծառայությունների հասանելիությունը, ինչպես նաև` հիվանդանոցային բժշկական կազմակերպությունների աշխատողների աշխատավարձը, որն էլ իր հերթին կնպաստի ծրագրի արդյունավետության բարելավմանը, ոլորտում ստվերային գործունեության նվազմանը և մատուցվող ծառայությունների որակի բարելավմանը,

2) սրտի վիրահատական ծառայությունների և նորագույն թանկարժեք այլ տեխնոլոգիաներով կատարվող բժշկական ծառայությունների գծով պետական պատվերի շրջանակներում անվճար բժշկական օգնություն ստանալու իրավունք ունեցող շահառուների խմբերի ընդլայնմանը, մասնավորապես` 1-ին և 2-րդ խմբի հաշմանդամներ, ժամկետային զինծառայողների ընտանիքի անդամներ, մարտական գործողությունների մասնակիցների ընտանիքի անդամներ, զոհված զինծառայողների ընտանիքի անդամներ: Միջոցները կուղղվեն առկա պահանջարկի ամբողջական բավարարմանը,

3) մարդու օրգանների (երիկամի) 12 և ոսկրածուծի 11 փոխպատվաստման դեպքերի փոխհատուցմանը:

Այս փոփոխություններից կօգտվի 500 հազար մեր քաղաքացիներ՝ ի հավելումն այն 230 հազարի, ում այս բարելավված փաթեթը տրամադրվեց տարեսկզբին:

2. «Երեխաների բժշկական օգնության ծառայություններ» ծրագրում 0-18 տարեկան երեխաների հիվանդանոցային բժշկական օգնությունն ու սպասարկումն ամբողջությամբ կիրականացվի պետական պատվերի շրջանակներում, ինչպես նաև կփոխհատուցվի մինչև տարեվերջ կանխատեսվող դեֆիցիտը: Մինչ այժմ այդ հնարավորությունից օգտվում էին մինչև 7 տարեկան, հաշմանդամություն ունեցող, առանց ծնողական խնամքի մնացած, հաշմանդամություն ունեցող անձանցից բաղկացած ընտանիքների, մինչև 18 տարեկան դիսպանսեր հսկողության տակ գտնվող, միածնող, 14-15 տարեկան արական սեռի, նախազորակոչային տարիքի և բազմազավակ (մինչև 18 տարեկան 4 և ավելի անչափահասերեխաներ ունեցող) ընտանիքների երեխաները: Փոփոխության արդյունքում պետության կողմից երաշխավորված անվճար և արտոնյալ պայմաններով բժշկական օգնության և սպասարկմանիրավունք ունեցող մինչև 18 տարեկան շահառուների քանակը ավելանում է մոտ 200 հազար անձով։ Այս ծրագիրը կնպաստի առողջ սերունդ ունենալուն:

3. «Անհետաձգելի բժշկական օգնության ծառայություններ» ծրագրում նախատեսվում է փոխհատուցել անհետաձգելի վիրահատությունների, այդ թվում` կյանք փրկող սրտի անհետաձգելի վիրահատությունների (Stent for life), գլխուղեղի սուր և/կամ ենթասուր իշեմիկ կաթվածների թրոմբոլիտիկ բուժման և մեխանիկական թրոմբոլիտիկ բուժման ծառայությունների մինչև տարեվերջ կանխատեսվող դեֆիցիտը` ընդհանուր առմամբ ծրագրի կատարմանն ուղղելով 1.2 մլրդ դրամ:

4. «Ուռուցքաբանական և արյունաբանական հիվանդությունների բժշկական օգնության ծառայություններ» ծրագրի շրջանակում նախատեսվում է ապահովել դեպքերի ավելացմամբ պայմանավորված կանխատեսվող դեֆիցիտի փոխհատուցումը, ինչպես նաև իրականացնել գների համահարթեցում, որպեսզի պացիենտները ստիպված չլինեն գրպանից վճարումներ կատարել։ Տարվա սկզբից մեկնարկած այս ծրագիրը հաջողությամբ ընթանում է, սակայն հավելյալ ֆինանսավորման շնորհիվ հնարավոր կլինի խուսափել հերթերից, քանի որ քաղցկեղ ունեցող մեր քաղաքացիները չեն կարող սպասել և ամեն կորսված օրը կարող է լինել որոշիչ: Այս նպատակի համար կծախսվի հավելյալ 900 մլն դրամ։

5. «Շտապ բժշկական օգնություն» ծրագրում նախատեսվում է բնակչությանն առավել արագ և որակյալ շտապ բժշկական օգնության ծառայություններ մատուցելու նպատակով ավելացնել հանրապետության տարածքում սպասարկող բրիգադների թիվը, մասնավորապես` Երևանում, որտեղ շտապօգնության հերթապահ խմբերի դեֆիցիտը ամենաշատն է։ Այս նպատակի համար կծախսվի հավելյալ 500 մլն դրամ։

6. Գերժամանակակից սարքավորումներով կհագեցվեն «Սուրբ Աստվածամայր» ԲԿ մանկական նյարդավիրաբուժական և «Սուրբ Գրիգոր Լուսավորիչ» ԲԿ նյարդավիրաբուժական բաժանմունքները՝ բարձրացնելով մատուցվող ծառայությունների որակը միջազգային մակարդակի։ Այս նպատակով կծախսվի շուրջ 2 մլրդ դրամ։

7. ՀՀ ԱՆ «Մարդասիրական օգնության հանրապետական կենտրոնի» շենքային պայմանների համապատասխանեցում միջազգային ՋԴՓ ստանդարտներին, որպեսզի պետական կարիքների համար ձեռք բերվող դեղորայքը պահպանվի միջազգային ստանդարտներին համապատասխան պայմաններում։ Այս նպատակով նախատեսվում է իրականացնել 120 մլն դրամի կապիտալ ծախսեր։

8. Նախատեսվում է իրականացնել նախագծանախահաշվային փաստաթղթերի կազմում թվով 10 բժշկական կենտրոնների վերակառուցման, 1 բժշկական կենտրոնի վերանորոգման, 3 բժշկական կենտրոնների մասնակի վերանորոգման, 2 բժշկական կենտրոնի կառուցման համար, որի համար կծախսվի շուրջ 450մլն դրամ։–0–


Թեմատիկ նյութեր
Բաժնի այլ նյութեր
22:29
11 Դեկտեմբերի 2019
Գլխավոր տոնածառի լույսերը և հիասքանչ մյուզիքլ. ներկայացվել է Երևանի ամանորյա ծրագիրը
Գլխավոր տոնածառի լույսերը և հիասքանչ մյուզիքլ. ներկայացվել է Երևանի ամանորյա ծրագիրը
15:38
10 Դեկտեմբերի 2019
Հեքիաթի սպասումով. հայտնի է` երբ կվառվեն Հանրապետության հրապարակի տոնածառի լույսերը (ՎԻԴԵՈ)
Երևանի քաղաքապետարանը բոլորին հրավիրում է Հանրապետության հրապարակ միասին վառելու գլխավոր տոնածառի լույսերը
11:51
10 Դեկտեմբերի 2019
Միզապարկի հեռացում և «նոր միզապարկի» ձևավորում. Երևանում հերթական բարդ վիրահատությունն են կատարել (ՖՈՏՈ)
Միզապարկի հեռացում և «նոր միզապարկի» ձևավորում. հայ բժիշկները հերթական բարդ վիրահատությունն են կատարել. ՖՈՏՈ
15:49
09 Դեկտեմբերի 2019
Երևանում բժիշկները փրկել են գետնանուշից խեղդվող 1,5 տարեկան փոքրիկի կյանքը
Սրտի և շնչառության կանգ. Երևանում բժիշկները փրկել են գետնանուշից խեղդվող 1,5 տարեկան փոքրիկի կյանքը
12:00
08 Դեկտեմբերի 2019
Արցախի զինծառայողների սննդի մատակարարումը վստահվել է «Երեմյան Փրոջեքթս» ընկերությանը (ՖՈՏՈ, ՎԻԴԵՈ)
Հայկական ռեստորանային ոլորտի  առաջատարներից մեկը`«Երեմյան Փրոջեքթս» ընկերությունը, թարմացրել է Արցախի զինծառայողների սննդի կազմակերպման համակարգը. ՖՈՏՈ, ՎԻԴԵՈ
16:29
06 Դեկտեմբերի 2019
«Իմ քայլի» անդամն Ավագանու նիստին էր եկել նորածին որդու հետ (ՎԻԴԵՈ)
«Իմ քայլի» անդամն Ավագանու նիստին էր եկել նորածին որդու հետ. ՎԻԴԵՈ
11:17
06 Դեկտեմբերի 2019
Դեպի տոնածառ տանող կամուրջ և սուրբծննդյան տոնավաճառ. Երևանում ամանորյա աննախադեպ միջոցառումներ են սպասվում (ՖՈՏՈ)
Դեպի տոնածառ տանող կամուրջ և սուրբծննդյան տոնավաճառ. Երևանում ամանորյա աննախադեպ միջոցառումներ են սպասվում. ՖՈՏՈ
15:01
03 Դեկտեմբերի 2019
Հայաստանը շուտով կարող է ունենալ նոր ավիաընկերություն. Ռևազյան
Հայաստանը շուտով կարող է ունենալ  նոր ավիաընկերություն
10:15
02 Դեկտեմբերի 2019
Երևանի հիվանդանոցներից մեկում փրկվել է սրտի լուրջ խնդիրներով հղիի կյանքը
Երևանի հիվանդանոցներից մեկում փրկվել է սրտի լուրջ խնդիրներով հղիի կյանքը, հղիի մոտ ախտորոշվել է սրտի բնածին արատjavascript:void(0)
16:41
01 Դեկտեմբերի 2019
«Ֆանտաստիկ» ու մառախլապատ Երևանը` թռչնի թռիչքի բարձրությունից. Սուրենյանը նկարներ է հրապարակել (ՖՈՏՈ)
«Ֆանտաստիկ» ու մառախլապատ Երևանը` թռչնի թռիչքի բարձրությունից. Սուրենյանը նկարներ է հրապարակել. ՖՈՏՈ
12:25
30 Նոյեմբերի 2019
Հայաստանում ևս մեկ զորամաս անցել է սննդի մատակարարման նոր կարգին (ՖՈՏՈ)
Եվս մեկ զորամաս անցել է սննդի մատակարարման նոր կարգին. զինծառայողները գոհ են սննդի որակից և սպասարկումից. ՖՈՏՈ
16:00
29 Նոյեմբերի 2019
Հրաշքով փրկված զինվորը. Երևանում բժիշկները բարդ վիրահատության արդյունքում փրկել են 19–ամյա տղայի կյանքը
Հրաշքով փրկված զինվորը. Երևանում բժիշկները բարդ վիրահատության արդյունքում փրկել են 19–ամյա տղայի կյանքը