Երևանի կենդանաբանական այգու վագրերի ընտանիքը համալրվեց ամուրյան վագրով (ՖՈՏՈ, ՎԻԴԵՈ)

ԵՐԵՎԱՆ, 13 հունվարի./Նովոստի–Արմենիա/. Երևանի կենդանաբանական այգու վագրերի ընտանիքը համալրվել է ևս մեկով: Բարերարներ, հայր և որդիներ Առաքելյանները այգուն նվիրաբերել են ամուրյան վագրի առանձնյակ, հայտնում են Երևանի քաղաքապետարանից:

Կենդանին 7 տարեկան է: Այգում անցնելու է կարանտինային շրջան և ազատավանդակի վերակառուցումից հետո կմիանա վագրերի ընտանիքին:

Կենդանաբանական այգու տնօրինությունն իր գոհունակությունն է հայտնում բարերարներին այս նվիրատվության համար և վստահեցնում, որ այգին կանի առավելագույնը՝ նաև նոր կենդանիներին պատշաճ պայմաններ ապահովելու համար:–0–