ԵՐԵՎԱՆ, 28 փետրվարի./Նովոստի–Արմենիա/. Հաշվի առնելով վերջին զարգացումներն ու ստեղծված իրավիճակը՝ Հայրենիքի փրկության շարժման խորհուրդը որոշում է կայացրել երկուշաբթի օրվա հանրահավաքն անցկացնել ժամը 18։00-ին, Բաղրամյան պողոտայում։
«Այս հանրահավաքին կարևոր է յուրաքանչյուրիդ մասնակցությունը։ Մեր մասնակցությամբ պետք է վերահաստատենք, որ չենք հանդուրժելու մեկ հոգու կողմից պետական բոլոր ինստիտուտների կազմաքանդումը, կանգնելու ենք մեր Բանակի, Հանրապետության նախագահի կողքին և մինչև վերջ պաշտպանելու ենք մեր պետականությունը՝ նույնը պահանջելով նաև մյուս կառույցներից։
Այս իշխանության հեռացումն անխուսափելի է: Համախմբե՛նք մեր ուժերն ու վճռականորեն հասնենք դավաճանի հեռացանը», – նշվում է շարժման Facebook–յան էջում։
Ավելի վաղ ընդդիմությունը պատրաստվում էր հանրահավաք կազմակերպել երկուշաբթի ժամը 16։00–ին։
Այսօր ՀՀ վարչապետ Նիկոլ Փաշինյանն ուղիղ եթերում
կոչ արեց մասնակցել վաղը նախատեսված հանրահավաքին, որը կազմակերպվելու է ժամը 18։30–ին Հանրապետության Հրապարակում։–0–