«Զոռբայությամբ հարցեր լուծելու տրամաբանությունից եկեք դուրս գանք». ՀՀ վարչապետը դիմում է ժողովրդին (ՎԻԴԵՈ)
12:58
05 Դեկտեմբերի 2019
ԵՐԵՎԱՆ, 5 դեկտեմբերի./Նովոստի-Արմենիա/. ՀՀ վարչապետ Նիկոլ Փաշինյանը կառավարության այսօրվա նիստում անդրադարձավ` արծվաշենցիների` կառավարության դիմաց բողոքի ակցիա անելու մասին շրջանառվող լուրերին` կոչելով դա «չուզող հարևանի տրամաբանության» դրսևորում։
«Բոլոր այդ մարդիկ ստորագրել են փաստաթուղթ, որ պետությունը իրենց նկատմամբ ունեցած բոլոր պարտավորությունները կատարել է, նոտարով հաստատված է, մենք հանդիպել ենք, քննարկել ենք, ասում են՝ այո, էն ժամանակ իշխանությունը բիրտ է եղել, մեզ պարտադրել են, որ մենք էդ փաստաթուղթը ստորագրենք, բայց հիմա ի՞նչն է պատճառը, որ նորից էս դրսևորումը տեղի է ունենում. պարզ պատճառ, որովհետև մենք 1,2 միլիարդ տրամադրել ենք փախստականների համար կոնկրետ խնդիրներ լուծելուն, բայց նրանք նույնիսկ դա չեն ստացել: Էս ի՞նչ երևույթ է էս չուզողի, չուզող հարևանի տրամաբանությամբ ասելը` «այ, ինչի իրա հարցը լուծեցիք», ի՞նչ է ակնկալվում, մեզնից էլ ա ակնկալվում, որ բիրտ լինենք», - ասաց վարչապետը:
Նրա խոսքով, նույն վիճակն էլ Ամուլսարում ստեղծված իրավիճակի շուրջ էր։
Загружается новость ... "Лево"
«Ասում էինք, ժողովուրդ ջան, հինգ տարի ձեր աչքի առաջ էդ ամեն ինչը տեղի էր ունենում, ինչի՞ չէիք ձեր ձայնը բարձրացնում, ասում էին դե մեզ կբռնեին, հետապնդումների կենթարկեին, ի՞նչ, ուզում էիք ասեիք, որ Հայաստանում կարելի է նորմալ հարաբերություններ հաստատել մենակ բիրտ ուժի կիրառմամբ, է՞դ ա մեր ուզածը: Եթե մենք հարցեր լուծենք, առաջնորդվելով մեզ տված կաշառքներով, կոռուպցիայով, մեր նեղ քաղաքական կամ անձնային շահերով, մեր հորեղբոր որդիների կամ հորքուրի թոռների նկատմամբ ինչ-որ առանձնահատուկ վերաբերմունքով, հասկանալի կլինի, բայց հարաբերությունների էս ձևը բացարձակապես անընդունելի է։ Սա քաղաքակրթական առումով Հայաստանը ետ գլորելու փորձ է։ Եվ մենք նեյնիմ-նեյնիմ չենք անելու: Մենք չենք վախենալու հարցեր լուծելուց, ինչ է թե այդ ում հարցերը լուծում ենք, չուզող հարևանը դուրս է գալու, ասի, թե ինչի մեր հարցն էլ չեք լուծում»,– ասաց Նիկոլ Փաշինյանը։
Որպես այս խնդրի շուրջ եզրափակում` վարչապետը հորդորեց ժողովրդին հերթ կանգնել, որովհետև բոլոր հարցերն էլ լուծելու են։
«Մենք բոլոր հարցերն էլ լուծելու ենք, քննարկելու ենք, բայց զոռբայությամբ հարցեր լուծելու տրամաբանությունից եկեք դուրս գանք, որովհետև դա ոչ մի տեղ տանող ճանապարհ է։ Եթե փորձենք մեկ գործողությամբ բոլոր խնդիրները լուծել, ապա հարյուր տոկոս հավանականությամբ կկանգնեցնեք երկիրը կոլապսի և ձախողումների առաջ», - եզրափակեց Փաշինյանը:–0–
Հայաստանում 2023 թվականի հունվար-սեպտեմբերին ծնելիության մակարդակը, 2022 թվականի նույն ժամանակահատվածի համեմատ, աճել է 2,6 տոկոսով։ Այս մասին են վկայում Հայաստանի ազգային վիճակագրական կոմիտեի հրապարակած տվյալները