«Զվարթնոց» oդանավակայանում մեծ գումարով պայուսակ է հայտնաբերվել աշխատակցի կողմից (ՖՈՏՈ)

ԵՐԵՎԱՆ, 26 նոյեմբերի./Նովոստի–Արմենիա/. Նախօրեին «Զվարթնոց» օդանավակայանի Ավիացիոն անվտանգության ծառայության աշխատակցի կողմից հայտնաբերվել է մեծ գումար պարունակող պայուսակ։ 

«Նոյեմբերի 25-ին «Զվարթնոց» միջազգային օդանավակայանի Ավիացիոն անվտանգության ծառայության աշխատակցի կողմից Մեկնման սրահում հայտնաբերվել է պայուսակ, որտեղ եղել է 11.445 ԱՄՆ դոլար, 44.400 ռուսական ռուբլի, 284.000 ՀՀ դրամ, 780 եվրո և անձնական այլ իրեր»,– ասվում է Զվարթնոց օդանավակայանի պաշտոնական Facebook– յան էջում տեղադրված հաղորդագրության մեջ։

Նշվում է նաև, որ հայտնաբերված պայուսակը փոխանցվել է օդանավակայանի Կորած և գտնված իրերի բաժին: