Այսօրվա պատսպարումն առանձնահատուկ էր վերջին 30 տարիների պատմության ընթացքում. թիրախավորված էր ամբողջ տարածաշրջանը. մարզպետ (ՎԻԴԵՈ)
22:28
16 Հուլիսի 2020
ԵՐԵՎԱՆ, 16 հուլիսի./Նովոստի-Արմենիա/. Այսօր վաղ առավոտվանից ռմբակոծվել են Տավուշի մարզի Բերդ համայնքի բնակավայրերը, հիմնականում սահմանամերձ բնակավայրերը՝ Տավուշ գյուղը և Բերդ քաղաքը: Այս մասին Իջևանում լրագրողների հետ հանդիպմանն ասել է Տավուշի մարզպետ Հայկ Չոբանյանը ճհնաժամային տեղեկատվական կենտրոնում:
«Համայնքի քաղպաշտպանության համակարգը լավ է աշխատել և դրա շնորհիվ է, որ մինչև oրվա 2-րդ կեսը կարողանում էինք պատսպարվել, սակայն օրվա 2-րդ կեսին ունեցանք վիրավոր՝ Չինարի գյուղում: Դեպքը տեղի է ունեցել Չինարիի բնակչի վիրավորումից հետո. ԱԻՆ տրանսպորտային միջոցը մոտեցել է համապատասխան աջակցություն ցուցաերելու, ինչի հետևանքով թիրախավորվել է նաև ԱԻՆ մեքենան և ռմբակոծումը իրականացվել է ԱԹՍ-ից»,- նշվում է հայտարարության մեջ:
«Այսօրվա առանձհատկություններից մեկն այն էր, որ այսօրվա քաղպաշտպանությունը և պատսպարումը առանձնահատուկ էր, երևի թե մեր վերջին 30 տարիների ամբողջ պատմության ընթացքում, որովհետև երկրորդ կեսին պատսպարման գործողությունները և քաղպաշտպանությոնը հիմնված էր ԱԹՍ-ից պատսպարվելու պահանջի վրա, սա նորություն էր մեզ համար, որովհետև եթե այլ հրետակոծումների ժամանակ կան պատսպարվելու ուղղակի վայրեր, աշխարհագրական թեքություններ, ապա այս պարագայում, ըստ էության, թիրախավորված էր ամբողջ տարածաշրջանը, և մենք կարողացանք ապահովել գրեթե տոտալ պատսպարում և՛ ապաստարաններում, և՛ նկուղներում, և՛ ընդհանրապես փակ տարածքներում՝ մարդկանց և տրասնպորտային միջոցների, ցավոք սրտի ինչպես նշեցի Չինարիում ունեցանք հարված, որն էլ հասցվել էր վիրավորին օգնություն ցուցաբերելու ժամանակ»,- հայտնել է մարզպետը:
Նա նաև հայտնել է, որ այս օրերի ընթացքում, ընդհանուր առմամբ, եղել է վնասման 51 դեպք, որոնցից որից 4-ը ենթակառուցվածքային, 4-ը տրասնպորտային միջոցների, 2-ը ընտանիք կենդանիներին, և 41-ը շինությունների: 41 շինություններից 29-ը վնասվել են մինչև այսօր, և 22-ը՝ վնասվել են այսօրվա ընթացքում:
Արծրուն Հովհաննիսյանը նաև հայտնել է, որ որ Չինարիի բնակչի առողջական վիճակը կայուն է և տեղափոխվել է Երևան. այս պահին կյանքի և առողջությանը վտանգ չի սպառնում: -0-
Հայաստանում 2023 թվականի հունվար-սեպտեմբերին ծնելիության մակարդակը, 2022 թվականի նույն ժամանակահատվածի համեմատ, աճել է 2,6 տոկոսով։ Այս մասին են վկայում Հայաստանի ազգային վիճակագրական կոմիտեի հրապարակած տվյալները