ԵՐԵՎԱՆ, 19 սեպտեմբերի./Նովոստի-Արմենիա/. Հայաստանի Հանրապետության անկախության 29-րդ տարեդարձի առթիվ սեպտեմբերի 21-ին ՀՀ զինված ուժերի փորձառու ռազմական օդաչուները թռիչքներ կիրականացնեն Երևանի օդային տարածքում։ Այս մասին հայտնում է ՊՆ մամուլի ծառայությունը:
Загружается новость ... "Лево"
«ՀՀ զինված ուժերի ինքնաթիռների անցումները հնարավոր կլինի դիտել ժամը 11:00-ից»,- նշվում է հաղորդագրության մեջ:
Հայաստանի Գերագույն խորհրդի որոշմամբ` 1991թ. սեպտեմբերի 21-ին հանրաքվե անցկացվեց՝ ԽՍՀՄ կազմից դուրս գալու և անկախ պետականություն հաստատելու վերաբերյալ։ Ընտրելու իրավունք ունեցող քաղաքացիների 94,99%-ը կողմ էր քվեարկել:
Երկու օր անց հանրապետության Գերագույն Խորհուրդը Հայաստանը հռչակեց անկախ, ինքնիշխան հանրապետություն։-0-
