ARARAT x Golden Apricot. ջերմ հանդիպումների երեկո (ՖՈՏՈ)

16:23

14 Հուլիսի 2022

ԵՐԵՎԱՆ, 14 հուլիսի./Նովոստի–Արմենիա/. Հավատարիմ մնալով տարիների ընթացքում ձևավորված ավանդույթին` հուլիսի 13-ին ARARAT կոնյակը «Ոսկե ծիրան» XIX Երևանի միջազգային կինոփառատոնի շրջանակում նախաձեռնեց «ARARAT Ջերմ հանդիպումների երեկո» միջոցառումը, հաղորդում է Երևանի կոնյակի գործարանի մամուլի ծառայությունը։

ЕКЗ (1).jpg

ARARAT լեգենդար հայկական կոնյակը, իր տեսլականում մշտապես կարևորելով մշակութային արժեքների մարմնավորումն ու տարածումը, տարիներ շարունակ յուրովի լրացնում է փառատոնի ստեղծագործական միջոցառումների շարքը։

ЕКЗ (1).jpg

«ARARAT Ջերմ հանդիպումների երեկոն» այս տարվա «Ոսկե ծիրանի» մշակութային ժամանցի նորությունն է, որը հնարավորություն ընձեռեց փառատոնի թե՛ մասնակիցներին, թե՛ հյուրերին կարծիքներ փոխանակել արդեն իսկ ցուցադրված ֆիլմերի մասին և կիսվել փառատոնի ակնկալիքներով՝ վայելելով լեգենդար հայկական կոնյակի ժամանակակից եզրերը։

ЕКЗ (1).jpg

«ARARAT Ջերմ հանդիպումների երեկո» միջոցառման ընթացքում Երևանի կոնյակի գործարանի կողմից երախտիքի անվանական կոնյակ շնորհվեց անվանի կինոռեժիսոր Կոստա-Գավրասին։

ЕКЗ (1).jpg

«Ցանկացած ֆիլմի հիմքում պատմություն է, իսկ ցանկացած պատմություն կյանք է առնում այն ներկայացնելու, նրանով կիսվելու ժամանակ։ Այդ դիտանկյունից կարելի է ասել, որ կինոյի շունչն ապահովում է նրա հանդիսատեսը, այլ կերպ ասած՝ մեզանից յուրաքանչյուրը։ Ասում են՝ ազնվական կոնյակի համն ունի անվերջ արձագանք, իսկ լավ կինոն դառնում է հարատև վարպետության և մեր արձագանքների շնորհիվ։ Հենց այս գաղափարն է արտացոլում ARARAT-ի և «Ոսկե ծիրանի» բազմամյա համագործակցության այս տարվա ձևաչափը` հրավիրելով մասնակիցներին բացահայտելու թե՛ կինոարվեստի և թե՛ կոնյակագործական վարպետության եզրերը»,- ընդգծում է Երևանի կոնյակի գործարանի հասարակայնության հետ կապերի ղեկավար Զարուհի Սարիբեկյանը։

ЕКЗ (1).jpg

«Անչափ երջանիկ եմ, որ ARARAT-ն ու «Ոսկե ծիրանը» շարունակում են համագործակցությունը ամենատարբեր ձևաչափերով։ Վստահ ենք, «ջերմ հանդիպումներ» խորագիրը վերաբերում է ոչ միայն այս գեղեցիկ երեկոյին, այլև հանդիսատեսի ու կինոյի, ըմպողի ու կինոյի և ի վերջո «Ոսկե ծիրանի» ու ARARAT -ի փոխհարաբերություններին», - նշում է «Ոսկե ծիրան» Երևանի միջազգային կինոփառատոնի գեղարվեստական ղեկավար Կարեն Ավետիսյանը:–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Երևանի կոնյակի գործարան #ARARAT #«Ոսկե ծիրան» կինոփառատոն #«ARARAT Ջերմ հանդիպումների երեկո» միջոցառում

Թեմատիկ նյութեր