Բարի լուր հեծանվով երթևեկողների համար. Երևանի կենտրոնում կհայտնվի առաջին հեծանվային արահետը (ՍԽԵՄԱ)

ԵՐԵՎԱՆ, 7 օգոստոսի./Նովոստի–Արմենիա/. Հեծանվային տրանսպորտի արահետ կհայտնվի Երևանի կենտրոնական փողոցներում։

Ճանապարհային ոստիկանությունը հայտնում է, որ օգոստոսի 8-ից Երևան քաղաքի Հին Երևանցու և Կողբացու փողոցների երթևեկելի հատվածում (Կողբացու-Թումանյան խաչմերուկից մինչև Հին Երևանցու-Տերյան խաչմերուկ) կկազմակերպվի կարմիր գույնի գծանշմամբ առանձնացված հեծանվային արահետ։

«Վարորդներին հիշեցնում ենք, որ նշված փողոցների երթևեկելի մասի հեծանվային արահետի կողմում՝ ամբողջ երկայնքով կարգելվի տրանսպորտային միջոցների կանգառը»,– նշվում է հաղորդման մեջ։

Նախկինում մայրաքաղաքի ոչ մի փողոցում երթևեկելի հատվածում նման գծանշում չի եղել։ -0-