Հակառակորդը նահանջել է՝ կրելով կորուստներ․ հրետակոծությունները թիրախավորվում են. Տոնոյան (ՎԻԴԵՈ)

ԵՐԵՎԱՆ, 13 հուլիսի./Նովոստի-Արմենիա/. Երեկ՝ հուլիսի 12-ին, ժամը  12.30-ին մեր դիրքերից մեկին մոտենում է ՈՒԱԶ ավտոմեքենա, որտեղից անհասկանալի պատճառներով զինծառայողներ են դուրս գալիս և սկսում են շարժվել դեպի մեր դիրքը: Այս մասին այսօր՝ հուլիսի 13-ին, Կառավարության արտահերթ նիստում հայտարարել է ՀՀ պաշտպանության նախարար Դավիթ Տոնոյանը:

«Դիրքը գտնվում է ՀՀ տարածքում, ՀՀ սահմանի վրա: Քանի որ շարժումը անսպասելի էր մեր զինծառայողների համար, նրանք վերադասին զեկուցելուց հետո ստանում են հրահանգ հաշվի առնելով ադրբեջանցի զինծառայողների հնարավոր մոլորվածությունը կամ աշխարհագրության, կամ օպերատիվ իրավիճակին չտիրապետելու պատճառով, կոչ են անում լքել տարածքը, որն իրականացվում է: Թողնելով ավտոմեքենան՝ ադրբեջացի զինծառայողները վերադառնում են իրենց դիրքերը: Դրանից հետո սկսվում է 82 մմ-անոց ականանետներով հրետակոծություն դեպի նույն դիրքը, ինչպես նաեւ մարտական խմբերի շարժ դեպի այդ դիրք, ինչը կասեցվել է հրետակոծությամբ եւ համապատասխան գործողություններով: Հակառակորդը կրելով կորուստներ՝ նահանջել է»,- նշել է Տոնոյանը: -0-

Նա նաև նշել է, որ բոլոր հրետակոծությունները թիրախավորվում են:

«Բոլոր հրետակոծությունները թիրախավորվում են, լռեցվում են դիպուկահար կրակոցով, որի արդյունքում հակառակորդն ունի բավականին զգալի կորուստներ»,- հայտնել է Պաշտպանության նախարարը: -0-