ԵՐԵՎԱՆ, 28 մարտի. /Նովոստի-Արմենիա/. Հայաստանի կրթության և գիտության նախարար Արայիկ Հարությունյանն ասաց, որ ուսուցիչների աշխատավարձերն աճելու են։
Նախօրեին Հայաստանի վարչապետ Նիկոլ Փաշինյանն ասել է, որ 2019 թվականին զինծառայողների և հանրակրթական դպրոցների մանկավարժների աշխատավարձերը կաճեն 10 տոկոսով։ Հուլիսի 1–ից կավելանան զինծառայողների աշխատավարձերը, իսկ սեպտեմբերի 1–ից` ուսուցիչներինը։
«Ուսուցիչների աշխատավարձերի բարձրացումն այն սկիզբն է, որը թույլ կտա սառույցին շարժվել և համակարգն ավելի ընկալունակ դարձնել փոփոխությունների նկատմամբ, հետգա տարիներին սպասվում են հավելյալ ավելացումներ»,– ասաց Հարությունյանը։
Загружается новость ...
"Право"
Նա նաև նշեց, որ նախարարությունը տեղյակ է ուսուցիչների «դրույքի» հարցից, ընդգծելով, որ այդ հարցը նույնպես քննարկման փուլում է։ Նրա խոսքով, այստեղ նույնպես ծրագրվում է փոփոխություններ կատարել, սակայն ժամկետները դեռ չեն նշվում։
Նախարարը նշեց նաև, որ Հայաստանի կրթական ոլորտում լուրջ փոփոխություններ են կատարվում, աշխատանքներ են տարվում ծրագրերի փոփոխության ուղղությամբ, և արդեն ստեղծվել են աշխատանքային խմբեր, որոնք դպրոցական առարկաների նոր չափանիշներ և ծրագրեր կձևավորեն։
«Դրանցում հաշվի կառնվի նաև առաջիկա 20 տարիների մեր տեսլականը, ինչի հիման վրա մենք կձևավորենք մեր պահանջները կրթական համակարգին»,– ասաց Հարությունյանը։ -0-