ԵՐԵՎԱՆ., 24 սեպտեմբերի./Նովոստի-Արմենիա/. Հայաստանի Հանրապետության կրթության, գիտության, մշակույթի և սպորտի փոխնախարար Գրիշա Թամրազյանն առաջիկա երկու օրերին աշխատանքից ազատման դիմում է ներկայացնելու, այս մասին հայտնում է ArmLur.am-ը:
Загружается новость ... "Лево"
Աղբյուրի տեղեկություններով, փոխնախարարի՝ նման որոշման պատճառը կրթության չափորոշիչներն են, որոնք վերջին շրջանում բուռն քննարկման պատճառ են դարձել:
«Մասնավորապես, մեր տեղեկություններով փոխնախարարը դժգոհել է, թե կրթության չափորոշիչներն ազգային արժեքներին դեմ են և նա հրաժարվում է աշխատել մի կառույցում, որտեղ դեմ են ազգային արժեքներին և գործում են դրա դեմ»,- գրում է Armlur.am-ը:
Ինչպես հայտնի է, վերջին շրջանում կրթության չափորոշիչների թեման դարձել է նաև նախարար Արայիկ Հարությունյանի հրաժարականի պահանջ: Եվ գրեթե ամեն օր Երևանում ցույցեր են տեղի ունենում նախարարի հրաժարականի պահանջով: Ավելին, այդ չափորոշիչներին դեմ են անգամ Ազգային ժողովի պատգամավորները, որոնք ոչ մեկ անգամ են բարձրաձայնել այդ մասին:
Հիշեցնենք՝ ըստ ԿԳՄՍ նախագծի՝ նախատեսվում է կրճատել դպրոցներում հայոց լեզվի դասաժամերը՝ վերաբաշխելով դրանք բնագիտական առարկաների միջև: Զուգահեռաբար խոսվում է մայրենիի և օտար լեզուների ժամերի համադրության մասին։ Բացի այդ, «Հայոց եկեղեցու պատմություն» առարկան այլևս առանձին չի դասավանդվելու, փոխարենը առաջարկվում է այդ առարկայի տարբեր բաժինները զետեղել ավագ դպրոցի պատմական և հասարակագիտական այլ առարկաների ուսումնական ծրագրերում
Բացի այդ, կրթության ոլորտի ներկայացուցիչները բացահայտել են, որ չափորոշիչներում առկա են սկանդալային կետեր, Կենսաբանության առարկայի խնդրահարույց կետերից մեկը 8-րդ դասարանին էր վերաբերում, որտեղ սեռային, ավելի ճիշտ վերարտադրողական դասընթացներ պետք է լինեին:-0-