ԵՐԵՎԱՆ, 14 փետրվարի./Նովոստի-Արմենիա/. Հայտնի դերասան և հումորիստ Մկրտիչ Արզումանյանը(Մկոն) մեկնաբանել է շրջանառվող լուրերն այն մասին, իբրև «Կարգին հաղորդման» շրջանակում իր նախկին գործընկեր, ներկայումս Երևանի քաղաքապետ Հայկ Մարությանի հետ «հաշտեցումից» հետո, նշանակվելու է Գյումրիի քաղաքապետ:
«Ցանկանում եմ անդրադառնալ վերջին օրերին շրջանառվող ապատեղեկատվությանը։ Ես չեմ պատրաստվում դառնալ Գյումրու քաղաքապետ, կամ որևէ պաշտոն ստանալու նպատակ չունեմ: Ես անչափ շատ եմ սիրում իմ աշխատանքը և ասեմ ավելին, զբաղվելով իմ գործունեությամբ, լինելով իմ տեղում` արվեստի բնագավառում, շատ ավելին կարող եմ անել ոչ միայն իմ հարազատ քաղաքի, այլև իմ երկրի համար»,- գրել է Մկոն իր Facebook-յան էջում:
Որպես հետգրություն, դերասանն ավելացրել է, որ երբեք չի եղել քաղաքագետ և հույս ունի, որ մոտակա 100 տարում չի էլ դառնա: -0-