Հայտնի է, թե ով կներկայացնի Հայաստանը «Մանկական Եվրատեսիլ 2019»–ում (ՖՈՏՈ, ՎԻԴԵՈ)

ԵՐԵՎԱՆ, 16 սեպտեմբերի./Նովոստի–Արմենիա/. 12–ամյա Կարինա Իգնատյանը կներկայացնի Հայաստանը «Մանկական Եվրատեսիլ 2019» երգի միջազգային մրցույթում։

Ինչպես նշվում է «Դեպի Եվրատեսիլ» հայաստանյան մրցութային փուլի Facebook–յան էջում, նոյեմբերի 24-ին կայանալիք «Մանկական Եվրատեսիլ 2019» երգի միջազգային մրցույթում Կարինան կներկայացնի Հայաստանը «Colours Of Your Dream» երգով։

Միջազգային պրոֆեսիոնալ ժյուրիի, երեխաների միջազգային ժյուրիի և հեռուստադիտողների քվեարկության արդյունքում Կարինան ստացել է 138 միավոր։

Ժյուրիի անդամների անուններն ու քվեարկության արդյունքները կհրապարակվեն www.eurovision.am կայքում՝ քվեարկության գործընթացի անաչառությունը երաշխավորելու նպատակով:

Բացի Կարինայից, ընտրական փուլին մասնակցել են Անիշոկը, Անի Աթայանը, Անահիտ Առաքելյանը, Վարդան Մարգարյանը, Ռոբերտ Բագրատյանը, Ռոզա Էլոյանը, Էմիլի Հովհաննիսյանը, Անժելա Ալբերտյանն ու Նարեկ Մարկոսյանը։–0–