ԵՐԵՎԱՆ, 3 ապրիլի./Նովոստի–Արմենիա/. Հայաստանը «Եվրատեսիլ 2019»–ում ներկայացնող Սրբուհի Սարգսյանը` Սրբուկը, ելույթ կունենա առաջին համարի ներքո մրցույթի երկրորդ կիսաեզրափակչում։
Սրբուկը հանդես կգա Walking Out երգով։ Երգի տեսանյութը Youtube–ում մեկ շաբաթում հավաքել է ավելի քան 2,95 մլն դիտում։
Բացի Հայաստանից, մայիսի 16–ին կայանալիք երկրորդ կիսաեզրափակչի առաջին կեսում ելույթ կունենան Ավստրիայի, Դանիայի, Իռլանդիայի, Մոլդովայի, Ռումինիայի, Շվեյցարիայի և Շվեդիայի ներկայացուցիչները, ինչպես նաև ավտոմատ կերպով նախնական որակավորում անցած Գերմանիայի, Իտալիայի և Մեծ Բրիտանիայի ներկայացուցիչները։
«Եվրատեսիլ 2019»–ի եզրափակիչը կանցկացվի մայիսի 18–ին Թել Ավիվի Ցուցահանդեսային կենտրոնում։–0–