Կբացվե՞ն արդյոք թանգարաններն ու թատրոնները Հայաստանում

20:36

12 Օգոստոսի 2020

ԵՐԵՎԱՆ, 12 օգոստոսի./Նովոստի-Արմենիա/. Մոտակա օրերին կհրապարակվեն ՀՀ-ում արտակարգ դրության ժամանակահատվածի համար նախատեսված մանրամասն կանոնները, որոնք թույլ կտան վերականգնել թանգարանների և գրադարանների գործունեությունը: Այս մասին այսօր ԱԺ արտահերթ նիստի ընթացքում հայտնել է ՀՀ պարետ Տիգրան Ավինյանը:

Загружается новость ... "Лево"

«Ինչ վերաբերում է թատերական, համերգային և մշակութային միջոցառումներին, ապա տվյալ փուլում որոշում է կայացվել թույլ տալ դրանց գործունեությունը բացօթյա ձևով»,- հայտնել է նա:

Նա նշել է, որ տվյալ պահին ավարտվում է այս ոլորտների համար սահմանվող կանոնների մշակման աշխատանքը: Ավինյանը նաև հայտնել է, որ այս ոլորտների համար սահմանափակումների մեղմացումները վերաբերում են ոչ միայն կորոնավիրուսի հետապրելու տրամաբանությանը, այլև այն համոզման, որ մշակույթն ու արվեստը կօգնեն թեթևացնել կորոնավիրուսի հետևանքով առաջացած սոցիալ-տնտեսական լարվածությունը, նշել է Ավինյանը:

Պարետը նաև հայտնել է, որ կինոթատրոնների համար դեռևս մեղմացումներ չեն նախատեսվում:

COVID-19-ի հետ կապված իրավիճակը

Հայաստանում մարտի 16–ին մեկ ամսով հայտարարվել էր արտակարգ դրության ռեժիմ կորոնավիրուսի տարածումը կանխելու նպատակով, որը հայտարարման օրից երկարաձգվել է 5 անգամ: Այդպիսով, կառավարության օգոստոսի 12-ի որոշման համաձայն Հայաստանում արտակարգ դրության ռեժիմը երկարաձգվել է մինչև սեպտեմբերի 11-ի, ժամը 17:00-ն:

Հայաստանում օգոստոսի 12-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 40794 դեպք, որոնցից 33492-ն` առողջացած, 806-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 6262 պացիենտ: Ընդհանուր առմամբ կատարվել է 179032 թեստավորում:-0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

#թանգարաններ #ՀՀ #կինոթատրոն #գրադարան

Թեմատիկ նյութեր