ԵՐԵՎԱՆ, 18 հունվարի․ /Նովոստի-Արմենիա/․ Հեռուստատեսային քննադատների ասոցիաացիայի հետ հանդիպման ժամանակ HBO հեռուստաալիքի ծրագրային տնօրեն Քեյսի Բլոյսը հայտնել է, որ «Վիշապի տունը»՝ «Գահերի խաղը» սերիալի սփին-օֆֆը սպասվում է 2022 թ․-ին։ Այս մասին հայտնում է Կինոպոիսկը։ Բլոյսը չի հայտնել ծրագրի դուրս գալու հստակ ժամանակը, բայց ասել է, որ Ջորջ Մարտինը և Ռայան Կոնդալն արդեն աշխատում են սցենարի ստեղծման վրա։
10-սերիաանոց «Վիշապի տունը» ֆիլմը հիմնված է Ջորջ Մարտինի «Կրակ և արյուն», գրքի վրա, որի գործողությունները տեղի են ունենում «Գահերի խաղը» սերիալի իրադարձություններից 300 տարի առաջ։ Սյուժեի կենտրոնում Տարհգարիանների տունն է, ովքեր հեռանում են Վալիրիայից և գնում դեպի արևելք, որտեղ հանդիպում են թշնամական թագավորությունների։-0-