2015թ.-ից ի վեր առաջին անգամ արձանագրվել է արտաքին պետական պարտքի նվազման միտում. ԳՐԱՖԻԿ

ԵՐԵՎԱՆ, 5 օգոստոսի./Նովոստի–Արմենիա/. Հայաստանում 2015թ.-ից ի վեր առաջին անգամ արձանագրվել է արտաքին պետական պարտքի նվազման միտում, նշվում է ՀՀ կառավարության Facebook–յան էջում։ 

«2019-ի հունիսի դրությամբ, վերջին 15 ամիսների ընթացքում Հայաստանի արտաքին պետական պարտքը նվազել է 120 մլն դոլարով կամ 2.1%-ով», – նշվում է հաղորդագրության մեջ։

Պաշտոնական վիճակագրության տվյալներով, Հայաստանի ընդհանուր պետական պարտքը 2019թ.–ի հունիսի վերջին կազմել է 6 934 մլն դոլար, արտաքին պարտքը` 4 930,9 մլն դոլար։–0–