Հայաստանում տրամադրված հիփոթեքային վարկերի թիվը գրեթե կրկնապատկվել է. Փաշինյան

ՎԱՆԱՁՈՐ, 16 սեպտեմբերի. /Նովոստի–Արմենիա/. Հայաստանում տրամադրված հիփոթեքային վարկերի թիվը գրեթե կրկնապատկվել է: Այդ մասին ասաց ՀՀ վարչապետ Նիկոլ Փաշինյանը Վանաձորում այսօր անցկացվող մամուլի ասուլիսին:  

Միաժամանակ նա նշեց, որ այս տարվա հուլիսի դրությամբ, 2018թ.–ի հուլիսի համեմատ, անշարժ գույքի գործարքներն աճել են 17,1 տոկոսով, իսկ արդյունաբերական նշանակության անշարժ գույքի գործարքները արձանագրել են 11,7%-ի աճ:

«Հատկանշական է, որ գործարքների աճը գրանցվել է ոչ թե մայրաքաղաքի հաշվին, այլ մարզերում անշարժ գույքի գործարքների թվի աճի հաշվին», - ասաց Փաշինյանը: (1 դոլարը`476,18 դրամ):-0-