Ռուսաստանը նախատեսում է Հայաստանում կատարել 1մլրդ դոլարի ներդրում

ԵՐԵՎԱՆ, 19 հոկտեմբերի./Նովոստի–Արմենիա/. Ռուսաստանը նախատեսում է առաջիկայում Հայաստանի տնտեսության մեջ ներդնել 1մլրդ դոլար։ Այս մասին երեքշաբթի ասաց ՌԴ տնտեսական զարգացման փոխնախարար Դմիտրի Վոլվաչը Երևանում կազմակերպված Ռուս-հայկական 8-րդ միջտարածաշրջանային ֆորումի շրջանակում տեղի ունեցած ճեպազրույցի ժամանակ, հաղորդում է ՏԱՍՍ–ը։ 

«Մեզ մոտ շատ լավ վերականգնվում է փոխադարձ ապրանքաշրջանառությունը 2021թ.–ին` 17 տոկոսի աճ։ Դա այն դեպքում, երբ համավարակի տարում (2020թ.–ին, խմբգր.) գրանցվեց մոտ 4 տոկոսի անկում։ Աճում է ներդրումային համագործակցությունը. ավելի քան 2,2մլրդ դոլարի համատեղ կուտակված ներդրումներ ՌԴ–ից Հայաստան։ Գիտենք, որ կան ավելի քան 1մլրդ դոլարի կոնկրետ նախագծեր, որոնք առաջիկայում կներդրվեն Հայաստանի տնտեսության մեջ», – նշել է նա։–0–