Ճապոնիայի նախկին վարչապետի վրա մահափորձ է կատարվել, հրապարակվել են մահափորձի կադրերը (ՎԻԴԵՈ)

ԵՐԵՎԱՆ, 8 հուլիսի./Նովոստի–Արմենիա/. Ճապոնիայի նախկին վարչապետ Սինձո Աբեի նկատմամբ մահափորձ է կատարվել Նարա քաղաքում, նրա ուղղությամբ կրակել են, նա հիմա հիվանդանոցում է, հաղորդում են NHK ճապոնական հեռուստաալիքն ու Asahi Shimbun թերթը, գրում է ՌԲԿ–ն։

Աբեն ելույթ էր ունենում Ճապոնիայի կենտրոնական մասում գտնվող Նարա քաղաքում, հեռուստաալիքի լրագրողը լսել է երկու կրակոցին նմանվող ձայներ, ինչից հետո ժամը 11։30–ին (Երևանի ժամանակով 06։30) քաղաքական գործիչը կորցրել է գիտակցությունը։ Նրան հոսպիտալացրել են, 41–ամյա կրակողին ձերբակալել են։ Nikkei–ը գրում է, որ նա կրակել է Աբեի մեջքին հրացանից։

Ոստիկանության տվյալներով, Աբեի մոտ գրանցվել է սրտի կանգ, նրան ուղղաթիռով տեղափոխել են հիվանդանոց։ Կառավարության ներկայացուցչի խոսքով, նա ծանր վիճակում է։

Աբեն ելույթ էր ունենում Նարան խորհրդանի գերագույն պալատի ընտրությունների նախընտրական արշավի շրջանակում` աջակցելով Լիբերալ–դեմոկրատական կուսակցությանը, որը նախկինում գլխավորել է։ Հիմա կուսակցության նախագահը Ֆումիո Կիսիդան է, ով Ճապոնիայի վարչապետն է։

Աբեն զբաղեցրել է վարչապետի պաշտոնը 2006–2007թթ.–ին և 2012–2020թթ.–ին։–0–