ԵՐԵՎԱՆ, 22 նոյեմբերի./Նովոստի–Արմենիա/. Նոյեմբերի 20–ին
ահասարսուռ դեպք է տեղի ունեցել Սանկտ Պետերբուրգում։ ՃՏՊ–ի ժամանակ մեքենայի բեռնախցիկից տղամարդու դի է ընկել։ Պարզվել է, որ նա հայ է։
ՃՏՊ–ից հետո ձերբակալված տղամարդը խոստովանել է, որ տառապում է հանիբալիզմով, գրում է
«Իզվեստիան»։
23–ամյա տղամարդու խոսքով, նա վաղուց ուզում էր մարդու միս փորձել։ 2020թ.–ի սեպտեմբերին նա սպանել է մի անցորդի, կտրել դիակից մի հատված, եկել տուն, եփել ու կերել։ Մարմինը թաքցրել է խողովակի մեջ, հաղորդել են 78.ru–ի եթերում։
Կասկածյալն ապրում է Մուրինոյի տներից մեկի ձեղնահարկում, որտեղ նրան ձերբակալել են։
Նոյեմբերի 21–ին Լենինգրադի մարզի ոստիկանները բացահայտել են 50–ամյա տղամարդու սպանությունը, որի մարմինը դուրս էր ընկել ավտոմեքենայի բեռնախցիկից ՃՏՊ–ի ժամանակ։ Ոստիկանությունը պարզել է, որ տղամարդը սպանվել է երկու հարբած երիտասարդների հետ կոնֆլիկտի ժամանակ, ովքեր նրան դանակահարել են։ Երիտասարդները կանչել են իրենց ծանոթին, ով օգնել է նրանց մարմինը տեղափոխել ավտոմեքենա։
Երեք երիտասարդները ձերբակալվել են։ Սպանվածը 50–ամյա Արկադի Ղազինյանն է։ Հարուցվել է քրեական գործ սպանության հատկանիշներով։–0–