ԵՐԵՎԱՆ, 20 հունիսի./Նովոստի-Արմենիա/. Նախօրեին՝ հունիսի 19-ին, արտակարգ դեպք է տեղի ունեցել Երևանում:
Shamshyan.com-ի հաղորդմամբ, ժամը 15:00-ի սահմաններում, ՀՀ ոստիկանության Պարեկային ծառայության Երևանի գնդի 3-րդ գումարտակի 3-րդ վաշտի պարեկները՝ ծառայություն կատարելիս են եղել Կիևյան կամրջի հարևանությամբ, երբ նրանց են մոտեցել մի քանի քաղաքացի և հայտնել, որ մի կին անցել է Կիևյան կամրջի վտանգավոր եզրագիծն ու սպառնում է ցած նետվել:
Загружается новость ... "Лево"
Պարեկները կարողացել են օպերատիվորեն հասնել նշված վայր և այդ կնոջը մեծ դժվարությամբ բռնել ու վտանգավոր եզրագծից տեղափոխել անվտանգ վայր:
Կայքի հաղորդմամբ, կնոջ ազգականը հայտնել է, որ նա 33 տարեկան է: 3 երեխա ունի իր խնամքին: Սոցիալական խնդիրներից դրդված, փորձել է ինքնասպան լինել: Ազգականները շնորհակալություն են հայտնել պարեկներին:
33-ամյա կինը պարեկների ուղեկցությամբ տեղափոխվել է ոստիկանության Մաշտոցի բաժին, որտեղ փաստի առթիվ նյութեր են նախապատրաստվում:-0-