Ճոճվում է օդում` պայքարելով քամու դեմ. հրապարակվել են փոթորկի ժամանակ աշխարհի ամենամեծ օդանավի վայրէջքի կադրերը (ՎԻԴԵՈ)

ԵՐԵՎԱՆ, 17 փետրվարի./Նովոստի–Արմենիա/. Համացանցում հրապարակվել է տեսանյութ, որտեղ երևում է, թե ինչպես է աշխարհի ամենամեծ երկհարկանի օդանավը վայրէջքի ժամանակ «պայքարում» փոթորկի հետ։

Ինքնաթիռն ուժեղ քամու պատճառով սկզբում, կարծես, «ճոճվում է» օդում, հետո հանգիստ վայրէջք կատարում։

Etihad ավիաընկերության Airbus A380 օդանավը ժամանել է Լոնդոնի «Հիդրոու» օդանավակայան, սակայն չի կարողացել նորմալ վայրէջք կատարել փետրվարի 16–ին Մեծ Բրիտանիայում գրանցված «Դենիս» փոթորկի պատճառով։ Օդանավը քամու հետևանքով դուրս է եկել թռիչքուղու սահմաններից, գրում է tvrain.ru–ն։

Սա վերջին ամսում երկրորդ ուժեղ փոթորիկն է Բրիտանիայում։ Հայտնի է, որ հարավային Ուելսում և Անգլիաում «Դենիսի» հետևանքով գրանցվել են ջրհեղեղներ և սողանքներ, մոտ 170 չվերթ չեղյալ է հայտարարվել։ Քամու ուժգնությունը հասնում է 146 կմ/ժ–ի։ Հյուսիսային Անգլիայում` Յորք քաղաքում, ափերից դուրս է եկել Ուզ գետը։ Նշվում է երկու զոհի մասին։–0–