Խոշոր ավտովթար Արագածոտնում. Nissan–ը մխրճվել է ԿամԱԶ–ի մեջ, կան վիրավորներ (ՎԻԴԵՈ)
21:29
13 Դեկտեմբերի 2019
ԵՐԵՎԱՆ, 13 դեկտեմբերի./Նովոստի–Արմենիա/. Այսօր՝ դեկտեմբերի 13-ին, խոշոր ավտովթար է տեղի ունեցել Արագածոտնի մարզում:
Загружается новость ... "Лево"
Shamshyan.com–ի հաղորդմամբ, ժամը 15:30-ի սահմաններում Nissan Teana մակնիշի ավտոմեքենայի վարորդը Երևան-Աշտարակ ավտոճանաարհի 25-րդ կմ հատվածում՝ դեպի Երևան ընթանալիս, մխրճվել է ճանապարհի թույլատրելի հատվածում կայանված ԿամԱԶ մակնիշի ավտոմեքենայի հետնամասի մեջ:
Վթարի հետևանքով Nissan-ի վարորդն ու ուղևորը մարմնական վնասվածքներով տեղափոխվել են հիվանդանոց:
Կայքի հաղորդմամբ, փաստի առթիվ նյութեր են նախապատրաստվում:
ԿամԱԶ–ի վարորդի խոսքով, նա մեքենան կանգնեցրել է ճանապարհի թույլատրելի հատվածում ու հանկարծ տեսել, թե ինչպես է Nissan–ը մեծ արագությամբ գալիս դեպի ԿամԱԶ–ը։ Վարորդի հազիվ փախել է մի կողմ, իսկ Nissan–ը մխրճվել է ԿամԱԶ-ի մեջ։–0–