Խոշոր ավտովթար Երևանի կենտրոնում. բախվել է երեք ավտոմեքենա, կա տուժած (ՖՈՏՈ)

ԵՐԵՎԱՆ, 21 մարտի./Նովոստի-Արմենիա/. Մարտի 20-ին, ժամը 20:57-ին Ճգնաժամային կառավարման ազգային կենտրոն ահազանգ է ստացվել, որ Երևանի Աբովյան և Թումանյան փողոցների խաչմերուկում տեղի է ունեցել ՃՏՊ․ կան տուժածներ, հաղորդում է Փրկարար ծառայությունը։

Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Թումանյան փողոցի թիվ 17 շենքի մոտակայքում բախվել են «Range Rover» (վարորդ՝ Ա․ Ա․, ծնված 1974 թ․), «Renault Logan» (վարորդ՝ Հ․ Մ․, ծնված 1982 թ․) և «Mercedes-Benz A170» (վարորդ՝ Վ․ Հ․, ծնված 1996 թ․) մակնիշների ավտոմեքենաները, վերջինիս ուղևոր Մ․ Դ․-ն (ծնված 1998 թ․) հոսպիտալացվել է «Հերացի» թիվ 1 հիվանդանոցային համալիր։

Փրկարարները հոսանքազրկել են «Mercedes-Benz A170» մակնիշի ավտոմեքենան և փակել «Renault Logan» մակնիշի ավտոմեքենայի գազի բալոնի փականը։-0-