ԵՐԵՎԱՆ, 15 սեպտեմբերի./Նովոստի–Արմենիա/. Այսօր՝ սեպտեմբերի 15-ին, խոշոր ավտովթար է տեղի ունեցել Երևանում:
Shamshyan.com–ի հաղորդմամբ, ժամը 10 :00-ի սահմաններում Ծիծեռնակաբերդի խճուղում բախվել են Mercedes, BMW, Infiniti և Opel Astra մակնիշերի ավտոմեքենաները:
Վթարի հետևանքով 7 մարդ, այդ թվում՝ երեխաներ, հոսպիտալացվել են: Երեխաները տեղափոխվել են «Սուրբ Աստվածամայր» բժշկական կենտրոն:
Փաստի առթիվ նյութեր են նախապատրաստվում: Ոստիկանությունը պարզում է վարորդների և վիրավորների ինքնությունը:
Կայքի հաղորդմամբ, բախման հետևանքով Mercedes-ը դուրս է եկել ճանապարհի երթևեկելի գոտուց, հայտնվել մայթին և բախվել արտաքին լուսավորության էլեկտրասյանը, ինչի հետևանքով լույսը պոկվել է:
Ինչպես Facebook–յան իր էջում տեղեկացնում է «Սուրբ Աստվածամայր» ԲԿ–ի մամուլի քարտուղար Գևորգ Դերձյանը, երեխաներից երկուսը տեղափոխվել են «Սուրբ Աստվածամայր» բժշկական կենտրոն, նրանցից մեկը 7 տարեկան է, մյուսը՝ 16։ Երեխաները ստացել են անհրաժեշտ բուժօգնություն և գնացել տուն։–0–