Մոսկվայում մահացել է «Օտկրիտիե» բանկի նախկին ղեկավար Ռուբեն Աղանբեգյանի 23–ամյա որդին

13:06

09 Հուլիսի 2020

ԵՐԵՎԱՆ, 9 հուլիսի./Նովոստի–Արմենիա/. Մոսկվայում ավտովթարի հետևանքով մահացել է «Օտկրիտիե» բանկի խորհրդի նախկին ղեկավար Ռուբեն Աղանբեգյանի որդին`Աբել Աղանբեգյանը։

Այս մասին հաղորդում են РЕН ТВ–ն և Mash Telegram ալիքը, գրում է ՌԲԿ–ն։

РЕН ТВ–ի տվյալներով, ավտովթարը տեղի է ունեցել հուլիսի 4–ի երեկոյան Կոմսոմոլսկի պողոտայում։ Աղանբեգյանը մոտոցիկլով վրաերթի է ենթարկել հետիոտնի, ով փողոցն անցնում էր չթույլատրելի հատվածով։

Загружается новость ... "Лево"

Mash–ի հաղորդմամբ, Աղանբեգյանը, որը վարում էր BMW S1000 RR մակնիշի մոտոցիկլ, չի նկատել փողոցն անցնող տղամարդուն և վրաերթի է ենթարկել, ինչի հետևանքով հետիոտնը մահացել է։ Աղանբեգյանը դուրս է շպրտվել մոտոցիկլից ու հոսպիտալացվել։ Նրա մոտ ախտորոշվել է գլխուղեղի կոտրվածք։

РЕН ТВ–ի տվյալներով, նա ստացել է նաև գլխուղեղի բաց վնասվածք և բազմաթիվ սալջարդեր։ Երիտասարդի կյանքը փրկել հնարավոր չի եղել։

Մահվան ելքով վթարի մասին հաղորդում է նաև «Հինգերորդ ալիքը»։ Մոտոցիկլի վարորդի անունը չի նշվում, սակայն նշվում է, որ խոսքը «հայտն ֆինանսիստի և նախկին բանկիրի որդու մասին է»։

Ռուբեն Աղանբեգյանը 2012–2017թթ.–ին աշխատել է «Օտկրիտիե» խմբում, 2017թ.–ից զբաղեցրել է «Օտկրիտիե հոլդինգ» տնօրենների խորհրդի անդամի և «Օտկրիտիե» բանկի նախագահի պաշտոնը։ 2018թ.–ի հունվարին նրան նշանակել են «ՎԷԲ Կապիտալ» ներդրումային ընկերության գլխավոր տնօրենի խորհրդական, իսկ 2019թ.–ին` «ԻնֆրաՎԷԲ»–ի գլխավոր տնօրենի խորհրդական։ 2020թ.–ի փետրվարից Աղանբեգյանը «Нацпроектстрой» ընկերությունների խմբի գլխավոր տնօրենն է, որի հիման վրա ստեղծվում է Արկադի Ռոտենբերգի ВЭБ.РФ և «Стройпроектхолдинг»–ի համատեղ ձեռնարկությունը ենթակառուցվածքային շինարարության ոլորտում։–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Մոսկվա #Ռուբեն Աղանբեգյան #որդի

Թեմատիկ նյութեր