ԵՐԵՎԱՆ, 25 հուլիսի․ /Նովոստի-Արմենիա/․ Մոսկվայի ոստիկանության աշխատակիցները հայերի և ադրբեջանցիների միջև բախումների հետևանքով ինը մասնակիցների են ձերբակալել, ՏԱՍՍ-ին հայտնել են ՌԴ-ի մայրաքաղաքի ՆԳՆ-ի գլխավոր վարչակազմի մամուլի ծառայությունից:
«Ոստիկաններն անօրինական գործողություններ կատարելու կասկածանքով ձերբակալել են ինը մարդու: Հուլիսի 24-ին Մոսկվայում բախումներ են տեղի ունեցել քաղաքացիների միջև», - ասվում է ոստիկանության հաղորդագրության մեջ:
Загружается новость ... "Лево"
Նշվում է, որ, մասնավորապես, Տրոիցկիի և Նովոմոսկովսկի վարչական շրջաններում տղամարդուն մարմնական վնասվածքներ է հասցվել, վնասվել է խանութի ապակին: Մեկ այլ միջադեպի ժամանակ անհայտ անձինք ապակիներ են ջարդել փակ բաժնետիրական ընկերությունում տեղակայված սրճարանի և ավտոլվացման կետերի շենքերում, ինչի արդյունքում այցելուներից մեկը վնասվածք է ստացել ապակե բեկորներից: Քրեական գործեր են հարուցվել են Ռուսաստանի Դաշնության քրեական օրենսգրքի 213-րդ հոդվածի 2-րդ կետով(«Խմբակային խուլիգանություն»): նախատեսված հանցագործության համար:
Գլխավոր գրասենյակի տվյալներով, ներկայումս իրականացվում են մի շարք քննչական գործողություններ և գործառնական միջոցառումներ, որոնք ուղղված են դեպքի բոլոր հանգամանքների պարզմանը և կասկածյալների ձերբակալությանը:
Ոստիկաններն ընդգծել են, որ հասարակական կարգի խմբակային խախտումների ցանկացած դրսևորում անմիջապես ճնշվելու է, ինչպես նաև օրինախախտներին ենթարկելու են պատասխանատվության՝ ըստ օրենքի: Բացի այդ, Ռուսաստանի Դաշնության միգրացիոն օրենսդրության համաձայն, օտարերկրացիների համար կարող է սահմանվել երկիր մուտք գործելու ժամանակավոր սահմանափակում հինգ տարի ժամկետով:
Հուլիսի 23-ի լույս 24-ի գիշերը Մոսկվայի Մարյինո շրջանում տեղի էին ունեցել մի շարք կոնֆլիկտային իրավիճակներ հայերի և ադրբեջանցիների միջև: Ուրբաթ Մոսկվայի տարբեր հատվածներում մի շարք նոր ընդհարումներ են տեղի ունեցել: Ուրբաթ երեկոյի դրությամբ հաղորդվել է բախումների մասնակիցներից 25 մարդու ձերբակալության մասին:
Հարձակումներ և սադրանքներ
Վերջին օրերին հայ օգտատերերը սոցցանցերում կոչ են անում ՌԴ-ում գտնվող հայրենակիցներին լինել զգոն, քանի որ ադրբեջանցիները խմբեր են ձևավորել և հարձակվում են հայերի վրա, անգամ ծերերի:
Ռուսական ԶԼՄ-ների համաձայն, մոսկովյան Մարինոյում գիշերը Ադրբեջանցիները կանգնեցնում և հարձակվում էին հայկական համարանիշերով մեքենաների վրա: Հրապարակված տեսանյութերից մեկում երևում է, թե ինչպես են ադրբեջանցիները հարձակվում հայկական մեքենայի վրա, ջարդում ապակիները և ծեծի ենթարկում վարորդին, ով հրաշքով փրկվում է: Ծեծի ականատեսներից մեկը համացանցում տեսանյութը է տեղադրել (հղումն՝ այստեղ):
Ըստ ԶԼՄ-ների տեղեկությունների, ոստիկանները բերման են ենթարկել 13 մարդու հայերի և ադրբեջանցինրի միջև զանգվածային ծեծկռտուքից հետո: Ընդ որում Մոսկվայում հայկական աղբյուրները հայտնում են բերման ենթարկվածների ավելի մեծ թվի մասին: Մասնավորապես, նրանց տեղեկություններով, գիշերվա ընթացքում ուժայինները բերման են ենթարկել մոտ 50 ադրբեջանցիների, ովքեր մասնակցել են հայերի վրա հարձակումներին: Մոտ 10 մարդ կալանավորվել է խուլիգանության և էթնիկ խտրականության հրահրման մեղադրանքով:-0-
