ԵՐԵՎԱՆ, 3 մայիսի./Նովոստի–Արմենիա/. Արցախի նախագահ Արայիկ Հարությունյանը հարցաքննվել են դատախազության քննիչների կողմից։ Այս մասին Հարությունյանը տեղեկացրել է իր Facebook–յան էջում։
«Ինչպես և խոստացել էի, տեղեկացնում եմ, որ որպես վկա հարցաքննվել եմ ԱՀ դատախազության քննիչների կողմից՝ ԱՀ քրեական օրենսգրքի 312-րդ հոդվածի 1-ին մասով նախատեսված հանցագործության հատկանիշներով հարուցված քրեական գործով», – նշել է Հարությունյանը։
Արային Հարությունյանը նշել է նաև, որ հաշվի առնելով տվյալ գործի կարևորությունը՝ հայտնել է հնչեցված հարցերի վերաբերյալ իմ ունեցած ողջ տեղեկությունները և վերահաստատել պատրաստակամությունը հետագայում եւս վարույթին օրենքով սահմանված կարգով մասնակցելու վերաբերյալ։
«Հասկանալով մեր հայրենիքի կյանքի կարևորագույն ժամանակահատվածին՝ 44-օրյա պատերազմին վերաբերող իրադարձությունների բուն ընթացքն ու պատճառահետևանքային կապերը բացահայտելու հանրային պահանջը՝ առաջիկայում իմ իրական լիազորությունների ու իրազեկվածության սահմաններում նաև հանրայնորեն կներկայացնեմ որոշ հարցերի պատասխաններ», – գրել է նա։
Նշենք, որ Արայիկ Հարությունյանը հարցաքննվել է Սահմանադրական կարգի տապալման հոդվածով հարուցված քրեական գործի շրջանակում։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում