«Բերձորի ինտրիգը». WarGonzo-ն ցույց է տվել էքսկլյուզիվ կադրեր Արցախից (ՎԻԴԵՈ)
17:25
30 Նոյեմբերի 2020
ԵՐԵՎԱՆ, 30 նոյեմբերի./Նովոստի-Արմենիա/. WarGonzo նախագծի հաղորդավար Սեմյոն Պեգովը եթեր է դուրս եկել Բերձոր քաղաքից (Լաչին), որի շուրջ իրադրությունը մինչ օրս չի լուծվել:
Загружается новость ... "Лево"
«Գլխավոր ինտրիգը, եթե կարելի է այսպես կոչել՝ կմնան արդյոք տեղացիներն այստեղ՝ Բերձորում, և արդյոք քաղաքը նախկինի պես կգտնվի Արցախի իշխանությունների վերահսկողության ներքո, որովհետև այն ընկնում է հենց այդ 5 կիլոմետրանոց միջանցքի տարածքում, որը երաշխավորված էր համաձայնագրով, թե որպես վարչական միավոր կդառնա Ադրբեջանի մի մաս»,- հայտնում է Պեգովը:
Նա նշել է, որ այդ առիթով լիովին տարբեր կարծիքներ են հնչում:
«Օրինակ, ինչպես տեղեկացանք տեղական իշխանությունների ներկայացուցիչներից, նրանք միանշանակ ազդակներ են ստացել այն մասին, որ բնակիչները կարող են մնալ և նրանց անվտանգությունն ապահովված կլինի իշխանությունների կողմից, իսկ մյուս կողմից, զինվորականներն ասում են, որ, գուցե, տեղացիներն ամեն դեպքում ստիպված կլինեն լքել այն մինչև 18:00-ն»,- հավելել է նա:
Երկու շաբաթ Արցախի նախագահի օգնական Դավիթ Բաբայանը հայտնել է հայկական ԶԼՄ-ներին, որ Բերձորը Ադրբեջանի վերահսկողության տակ չի անցնելու, հայ բնակչությունը չի տարհանվելու:
Նրա խոսքով, Բերձորով պահպանվելու է Հայաստանի հետ կապը, ռուսական կողմը երեք տարվա ընթացքում կկառուցի նոր ճանապարհ, որը կշրջանցի Շուշին՝ Ստեփանակերտի հետ ուղիղ կապ ապահովելու համար:
Սակայն հինգշաբթի օրը սոցցանցերում հաղորդագրություններ են հայտնվում, որ Բերձորի իշխանություններին հանձնարարվել է նոյեմբերի 25-ից կազմակերպել տեղի հայերի տարհանումը: Այդպիսով, Ստեփանակերտի և հարակից մի քանի շրջանների բնակչությունը հայտնվում է Ադրբեջանի վերահսկողության տակ գտնվող տարածքների շրջափակման մեջ:
Միաժամանակ, համաձայն նոյեմբերի 9-ին Հայաստանի, Ռուսաստանի և Ադրբեջանի միջև ստորագրված հայտարարության, Բերձորով պետք է անցնի Լաչինի միջանցքը՝ 5 կմ երկարությամբ, որը կկապի Արցախը Հայաստանի հետ, իսկ դրա անվտանգությունն ապահովելու են ռուս խաղաղապահները: -0-