Միրզոյանը ներկայացրել է Արցախի ընտրություններում ԱԺ պատվիրակության անդամների COVID-19-ի թեստավորման արդյունքները

ԵՐԵՎԱՆ, 30 մարտի./Նովոստի-Արմենիա/. ԱԺ նախագահ Արարատ Միրզոյանն այսօր խորհրդարանի արտահերթ նիստի ժամանակ հայտնել է, որ Արցախում կայանալիք նախագահական և խորհրդարանական ընտրություններին Ազգային ժողովի կողմից դիտորդական առաքելություն անցկացնելու և պատվիրություն ուղարկելու հետ կապված, պատվիրակության անդամներն անցել են կորոնավիրուսի թեստավորում:

«Ռապիդ թեստերը երկու մեր գործընկերոջ մոտ դրական արդյունք են ցույց տվել: Այնուհետև այդ պատգամավորներն անցել են կրկնակի թեստավորում՝ արդեն մյուս (ՊՇՌ) թեստով: Գիշերն Առողջապահության նախարարն ինձ տեղեկացրել է, որ կրկնակի թեստավորման արդյունքները բացասական են եղել: Բարեբախտաբար մեր որևէ գործընկերոջ մոտ կորոնավիրուսի առկայություն չի հաստատվել, կասկածն էլ հերքվել է»,- նշել է Միրզոյանը:

2020 թվականի մարտի 31-ին Արցախում կանցկացվեն նախագահական և խորհրդարանական ընտրություններ: Ուժի մեջ կմտնի նաև նոր Սահմանադրություն, որը նախատեսում է նախագահի լիազորությունների ընդլայնում: 

Հայաստանում մարտի 30–ի ժամը 10։00–ի դրությամբ գրանցվել է կորոնավիրուսով վարակման 482 դեպք։ 30 մարդ բուժվել է։ Արձանագրվել է մահվան 3 դեպք:–0–